Аҧсны Аҳәынҭқарра Ахада

 

Ахада ауааҧсыра короновирус рацәыхьчаразы Акоординациатә штаб аилатәара далахәын

15.09.2020

Ахада ауааҧсыра короновирус рацәыхьчаразы Акоординациатә штаб аилатәара далахәын

Аҧсны Аҳәынҭқарра Ахада Аслан Бжания Аҧыза-министр Алеқсандр Анқәаб хантәаҩра ззиуаз ауааҧсыра короновирус рацәыхьчаразы Акоординациатә штаб аилатәара   далахәын.  

Агәабзиарахьчара аминистр Ҭамаз Ҵахнакьиа аҳәынҭқарра Ахада адырра ииҭеит Аҧсны иҟоу аепидемиологиатә ҭагылазаашьазы.

Ишьақәгылаз аҭагылазаашьеи ауааҧсыра короновирус рацәыхьчаразы Акоординациатә штаб алахәцәа ражәалагалақәеи ҳасаб рзуны, Аслан Бжьаниа ирылаиҳәеит цәыббрамза 30 рнаҩс аҧкратә усмҩаҧгатәқәа ралагалара аҭахны ишыҟоу . «Мызкы аҩныҵҟала Аҧсны ахьынӡанаӡааӡо ахшәтәырҭақәа рыҟны аҭыҧқәа азҳархиоит. Иақәнагоу афинанстә лшарақәа ари аус иазоужьзароуп»,- иҳәеит Ахада афинансқәа рминистр В. Делба ихы иқәкны.

Аҳәынҭқарра Ахада агәабзиарахьчара аминистрра анапы ианиҵеит Гәдоуҭатәи ковид-центр ҳазҭагылоу аамҭазтәи амыругеи иаҭаху аҵәыҵәри рыла реиқәыршәара . «Ари азҵаара жьҭаарамза 15 рзы иӡбаны иҟазароуп. Алабораториаҟны аштатқәа реизырҳаразы, иацҵаны амыругақәа раахәареи, арҭ ахықәкқәа рзы афинансзоужьреи рызҵаара ӡбахоит 2020 ш. жьҭаарамза 15-нӡа»,- иҳәеит Аслан Бжьаниа.

Аслан Бжьаниа амедицинатә усзуҩцәа иҭабуп ҳәа реиҳәеит короновирус иаҿагыланы ақәҧараҟны хамеигӡарада русуразы.  

Аилатәараҟны Ахада иҳәеит агәышьҭра ҵаҵаҕәы шамам.  «Сара избаз шаҳаҭра ауеит ҳусбарҭақәа еиҿкаарыла аус шыруа, инарыгӡо аусмҩаҧгатәқәагьы алҵшәа шрымоу. Аха аус аркәадара аӡәгьы азин имаӡам. Убри аҟнытә ҳусура иацаҳҵоит, еиҳагьы ҳҽеизаҳкуеит, убасҟан иаҳҭаху алҵшәагьы ҳауеит», - иҳәеит Аслан Бжьаниа.
Ахада зегьы абзиарақәа рзеиҕьеишьеит.  «Иацҵаны ҳгәацҧыҳәаны аус ҳуеит», - иҳәеит аҳәынҭқарра Ахада.

Акоординациатә штаб аилатәара ахыркәшара ашьҭахь Ахада агәабзиарахьчара аминистр Ҭамаз Ҵахнакьиа,  Аҧыза-министр ихаҭыҧуаҩ, афинансқәа рминситр Владимира Делба ицны  Гәдоуҭатәи араионтә хәшәтәырҭаҟны иҟоу Ковид-центр ашҟа рҿынархеит.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org