Аҧсны Аҳәынҭқарра Ахада

 

Аслан Бжьаниа Дмитри Медведев ииубилеи идиныҳәалеит

14.09.2020

Аҧсны Аҳәынҭқарра Ахада Аслан Бжьаниа Урыстәылатәи Афедерациа Ашәарҭадара Ахеилак Ахантәаҩы Ихаҭыҧуаҩ Дмитри Медведев 55-шықәсаихыҵратәи ииубилеи идиныҳәалеит.

Адныҳәаларатә цҳамҭаҟны иҳәоуп:
                                              
          “Ҳаҭыр зқәу Дмитри Анатоли-иҧа!
        Гәык-ҧсыкала ишәыдысныҳәалоит  55-шықәсашәхыҵратәи аиубилеи.

         Шәара – ҳазҭагылоу аамҭазтәи Урыстәыла иналукааша аҳәынҭқарратә усзуҩцәа шәыруаӡәкуп. Шәара шәусура атәыла аизҳазыҕьара, уи жәларбжьаратәи аҳаҭыр арҕәҕәара иазкуп.  

         Аҧсны жәлар есқьынгьы ҳаҭырқәҵарала иргәаладыршәоит Урыстәылатәи Афедерациа аганахьала Аҧсны Аҳәынҭқкарра ахьыҧшымра азхаҵараҟны Шәара хаҭала шәлагаламҭа.
  
  2008 шықәса нанҳәамза 26 рзы Шәара ишәыдышәкылаз аҭоурыхтә ҵакы змоу аӡбамҭа ҳтәылақәа реизыҟазаашьақәа рҭоурых аҟны иҿыцу даҟьаны ианылеит. Аҧсни Урыстәылеи  рыбжьара Аиҩызареи, аусеицуреи, аицхыраареи рзы Аиқәшаҳаҭра аҵаҩрала ауасхыр азышьҭаҵоуп ҩ-ганктәи аизыҟазаашьақәа рзинтә шьаҭа.  

Ҳаҭыр зқәу Дмитри Анатоли-иҧа, акрызҵазкуа абри амш аҽны ишәзеиҕьасшьар сҭахуп агәабзиара, аихьӡарақәа Урыстәыла дуӡӡа аизҳазыҕьара иазку аҳәынҭқарратә усураҟны.”


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org