Аҧсны Аҳәынҭқарра Ахада

 

Аслан Бжьаниа Рашид Темрезов Ареспублика Амш идиныҳәалеит

07.09.2020

Аҧсны Аҳәынҭқарра Ахада Аслан Бжьаниа Ҟарачы-Черқьестәи Ареспублика Ахада  Рашид Темрезов  Ареспублика Амши Черқьеск ақалақь Амши идиныҳәалеит.

Адныҳәаларатә цҳамҭаҟны иҳәоуп:

Ҳаҭыр зқәу Рашид Бориспи-иҧа!    

Гәык-ҧсыкала ишәыдысныҳәалоит иахьа аҵак ду змоу ҩ-ныҳәак азгәазҭо Ҟарачы-Черқьестәи ҳаиашьаратә жәларгьы Шәаргьы Ареспублика Амши Черқьеск ақалақь Амши!

Ҟарачы-Черқьестәи Ареспублика, ҳара ҳаиашьаратә жәларқәа зқәынхо Урыстәылатәи Афедерациа иазааигәаӡоу регионуп.
Ареспублика иахьа аҿиарамҩа иану, ҭынч аҿиара иаҿу, асасдкылара ҵасс измоу, згәы аарту ауаа зқәынхо тәылоуп.

Ара инхо ахандеира злоу ауааҧсыра ирыбзоураны ареспублика ахаҿра есааира аҽеиҭанакуеит. Рыргылара мҩаҧысуеит амҩақәа, ахәыҷбаҳчақәа, ашколқәа, акультура аханқәа, аҿиара иаҿуп агәабзиарахьчара, атуризм, иаҧырҵоит аусурҭа ҭыҧ ҿыцқәа.

   Аҧсны Аҳәынҭқарра анапхгара ҳаиашьаратә республикеи ҳареи ҳабжьара ишьақәгылаз ганрацәалатәи аусеицура аҧхьаҟагьы арҿиара иазхиоуп.

Ҳаҭыр зқәу Рашид Бориспи-иҧа, абри аныҳәамш аҽны, азин сышәҭозар, ишәзеиҕьасшьар сҭахуп агәабзиара, агәамч, аихьӡарақәа шәызхагылоу амаҵураҟны,
Ҟарачы-Черқьестәи Ареспубликаажәлар зегьы – аҭынчра, анасыҧ, аизҳазыҕьара.



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org