Аҧсны Аҳәынҭқарра Ахада

 

Аслан Бжьаниа Рамзан Кадыров Атәылауаҩратә ҳәоуеиқәшәареи акреи рымш идиныҳәалеит

06.09.2020


Аҧсны Аҳәынҭқарра Ахада Аслан Бжьаниа Чечентәыла Ареспублика Ахада Рамзан Кадыров Атәылауаҩратә ҳәоуеиқәшәареи акреи рымш идиныҳәалеит.

Адныҳәаларатә цҳамҭаҟны иҳәоуп:

“Ҳаҭыр зқәу Рамзан Аҳмаҭ-иҧа!

Милаҭрацәала еилоу Аҧсны жәлар рыхьӡала, хаҭала сара сҟынтә Чечентәыла ажәларгьы Шәаргьы ишәыдысныҳәалоит Атәылауаҩратә ҳәоуеиқәшәареи акреи рымш.

Чечентәыла иахьа ҭынч инхо-инҵуа, иццакны аҿиара иаҿу регионуп. Лабҿаба иубартә иҟоуп Чечентәыла иамоу аихьӡарақәа, аҭышәынтәалара, атәылауаа реизҳазыҕьара Шәара, Урыстәыла Афырхаҵа Аҳмаҭ-Ҳаџьы Кадыров иусқәа ирыцызҵаз, шәыхьӡ ишадҳәалоу.

Ҳара ҳажәларқәа шәышықәсала аиашьареи аидгылареи еиднакыло жәларуп. Аҧсны ахаангьы ирхашҭраны иҟаӡам 1992-1993 шш. Аҧсны Аџьынџьтәылатә еибашьра ашықәсқәа раан чечентәылатәи аибашьцәа иҟарҵаз ацхыраара.  

Ҳаҭыр зқәу Рамзан Аҳмаҭ-иҧа, абри амшныҳәазы Шәаргьы ачечен жәларгьы ишәзеиҕьасшьарц сҭахуп аҭынчра, анасыҧ, аизҳазыҕьара”.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org