Аҧсны Аҳәынҭқарра Ахада

 

Аслан Бжьаниа: Аҧсны Атәылахьчара аминистрра акомандақәа Жәларбжьаратәи арратә хәмаррақәа рылахәра - акрызҵазкуа хҭысуп

24.08.2020

Аҧсны Аҳәынҭқарра Ахада, Аҧсны Арбџьар мчқәа Рыдҵаҟаҵаҩ хада Аслан Бжьаниа акрызҵазкуа хҭысны иҧхьаӡоит  2020 шықәсазы Москва ақалақь аҟны Аҧсны Атәылахьчара аминистрра акомандақәа Жәларбжьаратәи арратә хәмаррақәа рылахәра.

«Сара зҿлымҳара аҭаны срыхәаҧшуеит жәларбжьаратәи ахәмаррақәа, ҳтәыла иаҧсаны зхы аазырҧшуа ҳаруаагьы срызгәдууп», - иҳәеит Аҧсны Ахада.
«Сара срыдныҳәалар сҭахуп ҳекипаж, атәылахьчара аминистрра анапхгара, Аҧсны жәлар зегьы атанктә биатлон аҟны азанааҭтә зыҟаҵара ҳаракы аазырҧшыз ҳаруаа иргаз аиааиразы»,- иҳәеит Аслан Бжьаниа.

Ахада иажәақәа рыла 90 ҳәынҭқарра рыҟнытә аррмаҵзуцәа злахәу арратә хәмаррақәа, ҳәарада, ҳтәыла жәларбжьаратәи аимадарақәа рырҕәҕәара иацхраауеит.

Аҧсны Ахада Урыстәылатәи Афедерациа атәылахьчара аминистр, арра Аинрал Сергеи Шоигу иҭабуп ҳәа еиҳәеит ҳкоманда иаиҭаз ааҧхьаразы, аҧсуа делегациа азы иҟарҵаз адкыларазы.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org