Аҧсны Аҳәынҭқарра Ахада

 

Ахада Александр Лукашенко Ареспублика Беларусиа Ахадас иалхра идиныҳәалеит

11.08.2020

Аҧсны Аҳәынҭқарра Ахада Аслан Бжьаниа Александр Лукашенко Ареспублика Беларусиа Ахадас иалхра идиныҳәалеит.

Адныҳәаларатә цҳамҭаҟны, ҷыдала, иҳәоуп:

“Ҳаҭыр зқәу Александр Григори-иҧа!

Ишәыдысныҳәалоит Ареспублика Беларусиа ахада иалхрақәа рыҟны ижәгаз аиааира. Абжьыҭира алҵшәақәа ирныҧшит ажәлар ишәырҭо агәрагареи адгылареи. Ари Беларусиа аҳәынҭқарра  арҕәҕәареи уи амилаҭтә интересқәа рыхьчареи рус аҟны шәылшамҭақәа разхаҵара иазҳәоуп.

Аҧсни Беларусиеи  аофициалтә дипломатиатә еизыҟазаашьақәа шрыбжьамгьы, иҟоуп еиуеиҧшым аусхкқәа рыҟны аусеицуразы аҧышәа маҷымкәа. Сгәы иаанагоит, аҧхьаҟа ҳтәылақәа рыбжьара аизыҟазаашьақәа  аҿиара иалагап ҳәа, аҳәынҭқаррабжьаратә ҟазшьагьы роуп ҳәа.

Ҳаҭыр зқәу Александр Григори-иҧа, ишәзеиҕьасшьоит агәабзиара, аихьӡарақәа Ареспублика Беларусиа ажәлар рымаҵ аураҟны”.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org