Аҧсны Аҳәынҭқарра Ахада

 

Ахада Алада Уаҧстәыла Ареспублика Ахада Анатоли Бибилов ишҟа ашәҟәы дәықәиҵеит

08.08.2020

  Ахада Алада Уаҧстәыла Ареспублика Ахада Анатоли Бибилов ишҟа ашәҟәы дәықәиҵеит

Нанҳәамза 8 рзы Қырҭтәыла Алада Уаҧстәыла иақәлеижьҭеи жәаҩа шықәа ахыҵра инамаданы Аҧсны Аҳәынҭқарра Ахада Аслан Бжьаниа Алада Уаҧстәыла Ареспублика Ахада Анатоли Бибилов ишҟа ашәҟәы дәықәиҵеит.

Ашәҟәы аҟны, ҷыдала, иҳәоуп:

«Ҳаҭыр зқәу Анатоли Илиа-иҧа!

Иахьа ақырҭуа ар мыцҳәарыла Алада Уаҧстәыла иақәлеижьҭеи жәаҩа шықәса аҵра аҽны, ҳара ҳашьцәа-ауаҧсаа ҳрыдгыланы иаҳгәалаҳаршәоит Аҧсадгьыл ахьчаҩцәа-афырхацәа.

2008 шықәса нанҳәамза 8 аҭоурых ианылеит итрадегиатәу, иара убас фырхаҵара згым мшык аҳасабала. Хьӡи-ҧшеи змоу Алада Уаҧстәыла арҧарцәеи аҭыҧҳацәеи хацәнмырха ирҿагылеит аҵх рҽалакны Цхьынвал ақалақь иалалаз ақырҭуа қәылаҩцәа.  

Ҳара ҳажәларқәа жәҩахыреибыҭарала ахьыҧшымрахь инагаз имариамыз амҩа ианысит. Сара агәра згоит, ҳалшарақәа еибыҭаны аҧхьаҟагьы ҳажәларқәа рҭынч ҧсҭазаара, рҧеиҧш бзиа ахьӡала ҳҳәынҭқарра аргылараҟны аихьӡара дуқәа раарҧшра шҳалшо.
  
Илахьеиқәҵагоу абри амш аҽны шәхьаа шәыцеиҩшо, иаҳгәалаҳаршәоит Алада Уаҧстәыла ахақәиҭра зхы ақәызҵаз афырхацәа. Урҭ рфырхаҵара абиҧара ҿыцқәа рзы Аҧсадгьыл амаҵ ауразы иҿырҧшыганы иҟалоит.

Рыхьӡ кашәара ақәымзааит аибашьцәа-афырхацәа!"  



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org