Аҧсны Аҳәынҭқарра Ахада

 

Ахада Аҟәа араион Администрациа аколлектив Алхас Ҷыҭанаа дыдирдырит

24.07.2020

Ахада Аҟәа араион Администрациа аколлектив Алхас Ҷыҭанаа дыдирдырит

Аҧсны Аҳәынҭқарра Ахада Аслан Бжьаниа Аҟәа араион Администрациа аколлектив ахада ин.н. Алхас Ҷыҭанаа дыдирдырит.

Аҳәынҭқарра Ахада Иусҧҟа даҧхьеит Ахада Иадминистрациа анапхгаҩы ихаҭыҧуаҩ  Зураб Қаџьаиа.

Ахада анапхгаҩ ҿыц дихцәажәо, иҳәеит: «Алхас Заур-иҧа Ҷыҭанаа- апрофессионал, шәара ибзианы дыжәдыруеит. Сара мызқәак сихәаҧшуан, сицклаҧшуан. Агәра згеит, обиективла аинформациагьы сымоуп. Алхас Заур-иҧа - аиаша иашьҭоу, иқәныҟәо уаҩуп.  Иахьатәи ҳҭагылазаашьаҿы ари акраҵанакуеит. Ииашоу, изакәану аусқәа зегьы рыҟны шәсықәгәыҕлар шәылшоит, сшәыдгылоит»,- иҳәеит Ахада, Аҟәа араион анапхгаҩ ҿыц ихы иқәкны.  

Аслан Бжьаниа А.Ҷыҭанаа иабжьигеит анагӡаратә мчхареи араионтә еизареи хаҭабзиарала русеицура. «Ҳәарада, ауадаҩрақәа ҟалоит. Шәусура ишақәнагоу еиҧш анализ азухоит, ахәгьы шьахоит. Имаҷӡам ара иҟоу апроблемақәа. Урҭ шәара ижәдыруеит. Араион милаҭрацәала ишьақәгылоуп. Сгәы иаанагоит, азҵаарақәа рыӡбара шәылшап ҳәа»,- азгәеиҭеит аҳәынҭқарра Ахада, амилаҭра ахаҭарнакцәа радҧхьаларагьы шаҭаху аҵшьны.  

«Аҧхьа игылоу уснагӡатәны иҟоуп – азакәанреи азинтә леишәеи», - иҳәеит Ахада, азинхьчаратә еилазаарақәа рганахьала адгылара шыҟало азгәаҭаны.    
Алхас Чыҭанаа аҳәынҭқарра Ахада иҭабуп ҳәа еиҳәеит ииҭаз агәрагаразы, ажәагьы ииҭеит илшо зегьы шыҟаиҵо атәылауаа рзинқәа реиламгаразы. « Аколлектив адгылара сырҭоит ҳәа сгәы иаанагоит. Араион аҟны аҭагылазаашьа уадаҩуп. Аха шәара сшәықәгәыҕуеит, шәсыдгылап ҳәа сгәыҕуеит», -  иҳәеит Ҷыҭанаа.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org