Аҧсны Аҳәынҭқарра Ахада

 

Ахада Гал араион актив Ҧлиа Константин дыдирдырит

24.07.2020

Ахада Гал араион актив  Ҧлиа Константин дыдирдырит

Аҧсны Аҳәынҭқарра Ахада Аслан Бжьаниа Гал араион актив ахада ҿыц Ҧлиа Константин дыдирдырит.

  «Константин Ҧлиа анапхгаратә усураҟны аҧышәа ду имоуп. Уи акыр шықәса Аҟәатәи Ақалақьтә еизара напхгара аиҭон. Ҳара ари араион аҟны азинтә леишәа ыҟазар, Гал араион ауааҧсыра рзинқәа еилагамзар ҳҭахуп. Гал араион Аҧсны иузаҟәымҭхуа иахәҭакны иҟоуп. Излауала шәраион зҿлымҳара ду аҳҭалоит»,- иҳәеит аҳәынҭқарра Ахада.

Аслан Бжьаниа Гал араион ҧасатәи анапхгаҩцәа русуразы, араион аҿиараҟны рлагаламҭазы иҭабуп ҳәа реиҳәеит.  
Анапхгаҩ ҿыц ирҭаз агәрагаразы иҭабуп ҳәа реиҳәеит, иҟаҵатәу шырацәоу, идҵоу аҭакҧхықәра шдуу азгәаҭаны.  «Агәра шәсыргарц сҭахуп Ақалақьтә еизараҟни Аҧсны Жәлар Реизара-Апарламенти рыҟны сыҟазаарааан, 20 шықәса рыҩныҵҟала исоуз аҧышәа, исымоу алшарақәа зегьы атәылауаа рҭагылазаашьа, ршәарҭадара, араион аекономика аиҕьтәра ишазкхо», - иҳәеит Константин Ҧлиа.

Араион ахада ҿыц иаҵшьны иҳәеит Гал араион аҟны инхо ауааҧсыра, аҿар Аҧсны раларҵәара, аҧхьаҟа рыҿиара актуалра шамоу. «Абарҭ азҵаарақәа ҷыдала хшыҩзышҭра аҭара сгәы иҭоуп»,- иҳәеит иара.

Ахада иаҵшьны иазгәеиҭеит анагӡаратә, азакәанҧҵаратә, аӡбаратә мчхара рганахьала азинхьчаратә еилазаарақәа аус рыцура иамоу аҵак ду атәы.  «Ари араион аҟны аус зуа, амчхара хаҭарнакра азызуа зегьы ламысла русура нарыгӡалароуп. Ҳара зегьы ауааҧсыра, ҳтәылауаа рымаҵ аура ауп ҳнапы иану. Уи азоуп ҳзалышәхызгьы»,- иҳәеит аҳәынҭқарра ахада.

Аҳәынҭқарра Ахада иҳәеит хара имгакәа, Гал араион аҟны иаартхараны ишыҟоу Аҧсны Ахада иҵанакуа ауаажәларратә дкыларҭа. «Гал араион ауааҧсыра ишиашоу рызҵаарақәа, ражәалагалақәа, рашшрақәа рыла сыдҵааларазы аҭагылазаашьа роуеит.  Агәра ганы шәыҟазар шәылшоит  шәраион аҳәынҭқарра ахада иганахьала хылаҧшрада ишнымхо»,- иҳәеит А.Бжьаниа, Гал араион ауааҧсыра ихы рықәкны.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org