Аҧсны Аҳәынҭқарра Ахада

 

Ахада Аҧсны Аҳәынҭқарра Аҷыдалкаатә ҵакы змоу ацентр даҭааит

18.07.2020

Ахада Аҧсны Аҳәынҭқарра Аҷыдалкаатә ҵакы змоу ацентр даҭааит

Аҧсны Аҳәынҭқарра Ахада Арбџьар мчқәа Рыдҵаҟаҵаҩ хада Аҧсны Аҳәынҭқарра Аҷыдалкаатә ҵакы змоу ацентр (АҴА) даҭааит.

Аҳәынҭқарра Ахада ицын Аҳәынҭқарратә шәарҭадара амаҵзура  Ахантәаҩы ин.н. Роберт Киут, Жәлар Реизара – Апарламент адепутат  Рауль Лолуа.  Аслан Бжьаниа  змаҵура анагӡараан иҭахаз АҴА аибашьцәа ҳаҭырла игәалаиршәеит. Ахада архәҭа аибашьцәа рмаҵура ахысразы ирзаҧҵоу аҭагылазаашьақәа ибеит.  Ацентр аиҳабы Џьон Аҭәмаа Адҵаҟаҵаҩ хада адырра ииҭеит арратә зыҟаҵарақәа иазку аусмҩаҧгатәқәа рымҩаҧысшьа, амаҵзура ахысразы аҭагылазаашьақәа, абаза аматериалтә-техникатә лшарақәа уҳәа рзы.

Аслан Бжьаниа ацентр аофицертә еилаазара алархәны аилацәажәара мҩаҧигеит.  Иазгәеиҭеит ацентр ауснагӡатә хадақәа – еиҿкаау ацәгьоура, жәларбжьаратәи  атерроризм, аекстремизм рҿагылара.  "Ҳтәылауаа ршәарҭадара еиқәырхатәуп. Амчхара ацентр акәӡам, атәылаҟны ажәлари урҭ рзинмчқәа змоу аусбарҭақәа рыда ҟамлароуп, иагьыҟалаӡом, - иҳәеит Ахада.  
"Аҷыдалкаатә ҵакы змоу ацентр есқьынгьы аҧхьагылара аман, сара, аҳәынҭқарра Ахада иаҳасабала, адгылара шәысҭалоит"- иаҵшьны иҳәеит Аслан Бжьаниа.

Ацентр аҭаараан Ахада арратә хысра иҽалаирхәит.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org