Аҧсны Аҳәынҭқарра Ахада

 

Ахада «Аҧсны агәыҳалалра ацҳаражәҳәаҩцәа» аилазаара ҿыц дрыдныҳәалеит

17.07.2020

Аиҿкаара «Аҧсны агәыҳалалра ацҳаражәҳәаҩцәа» традициала еиднакылоит Аҧсны Аҳәынҭқарреи Урыстәылатәи Афедерациеи инарылукааша ауаажәларратәи аҳәынҭқарратәи усзуҩцәа, аспортсменцза, артистцәа.

Аиҿкаара аилазаара ҿыц дрыдныҳәало, Аҧсны Аҳәынҭқарра Ахада Аслан Бжьаниа иазгәеиҭеит:

«Аҧсны агәыҳалалра ацҳаражәҳәаҩцәа» Аҧсни Урыстәылеи рыҩныҵҟа аиҩызцәа еидызкыло еиҿкаароуп. Ҳара ҳзы гәадуроуп еицырдыруа, ҳаҭыр зқәу ауаа ҳтәыла аҿиара иахьацхраауа. Ижәдыруазарц ҳҭахуп Шәара есқьынгьы гәыкала ҳшышәзыҟоу. Иҳашәҭо адгыларазы иҭабуп шәаҳҳәоит, ара, Аҧсны шәбара ҳара ҳзы гәахәароуп.

Иҭабуп ҳәа расҳәоит «Аҧсны агәыҳалалра ацҳаражәҳәаҩцәа» ҧасатәи аилазаара иалахәыз зегьы. Шәара ишәылшеит аҵакы змоу асоциалтә, акультуратә, аспорттә акциақәа, аҧсуа бызшәа арҿиареи Аҧсны жәларбжьаратәи аренаҟны аҳаҭыр ашьҭыхреи ирызкыз аусмҩаҧгатәқәа жәпакы рымҩаҧгара.

Ҷыдала иазгәасҭарц сҭахуп аиҿкаара «Аҧсны агәыҳалалра ацҳаражәҳәаҩцәа» аҿиараҟны Аҧсны ииз, иааӡаз, Урыстәыла аҳәынҭқарратә абжьгаҩ ҵабырг Инал Арӡынба ироль.

Аҧсны анапхгара есқьынгьы иалшо зегьы ҟанаҵалоит «Аҧсны агәыҳалалра ацҳаражәҳәаҩцәа» имҩаҧырго аус бзиақәа адгылара рыҭаразы».

Ахада «Аҧсны агәыҳалалра ацҳаражәҳәаҩцәа» аилазаара ҿыц аҧхьаҟа ақәҿиарақәа рзеиҕьасшьо, Аҧсныҟа ааҧхьара риҭеит.



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org