Аҧсны Аҳәынҭқарра Ахада

 

Ахада акаҳуажәырҭа “Брехаловка” даҭааит

08.07.2020

Ахада акаҳуажәырҭа “Брехаловка” даҭааит

Аҧсны Аҳәынҭқарра Ахада Аслан Бжьаниеи Ахада Ихаҭыҧуаҩ Бадра Гәынбеи «Брехаловка» ҳәа изышьҭоу Аҟәа еицырдыруа акаҳуажәырҭа иаҭааит.

Аҟәа ақалақь амш аҽны аҳәынҭқарра Ахада акаҳуажәырҭа лассы-лассы иаҭаауа абыргцәа анардқәа ҳамҭас ириҭеит. «Брехаловка» ахада ҳәа изышьҭоу Лев Џьениа иҩызцәа рыхьӡала Аслан Бжьаниа аҳамҭазы иҭабуп ҳәа еиҳәеит.

Аҳәынҭқарра анапхгаҩцәеи акаҳуажәырҭа аҭааҩцәеи акаҳуа еицыржәит, убри аан Ахада ақалақьуаа ргәаанагара дазҵааит аҳҭнықалақь аҩныҵҟа, ҷыдала, амшын аҧшаҳәаҟны имҩаҧысуа аиҭакрақәа рзы. Урҭ ирҳәеит администрациа анапхгара ақалақь аиҿкааразы имҩаҧнаго аусурақәа шыргәапхо.
    
Аҧышәара иахрыжьит ахада ҳамҭас ақалақьуаа ириҭаз анардқәагьы. Ахада Ихаҭыҧуаҩ Бадра Гәынбеи «Брехаловка» ачемпион Григори Бебиеи анард еицасит.
  
Иара убас акаҳуажәырҭа «Брехаловка» аҟны аҭааҩцәа рыҩныҵҟа иҟоуп адомино асыҩцәагьы ашахмат асыҩцәагьы. Урҭгьы аҳәынҭқарра анапхгаҩцәа ирарҳәеит имҩаҧысуа аиҭакрақәа агәахәара шырнаҭо, ақалақь ахада Беслан Ешба аишәа ҿыцқәа шырзиргылаз азгәаҭаны.  

Аслан Бжьаниа акаҳуажәырҭа аҭааҩцәа агәра диргеит аҧхьаҟагьы Аҧсны аҳҭнықалақь аиҿкаара ҷыдала хшыҩзышьҭра шаҭахо азы.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org