Аҧсны Аҳәынҭқарра Ахада

 

Ахада Семион Григориев ииубилеи идиныҳәалеит

01.07.2020

Аҧсны Аҳәынҭқарра Ахада Аслан Бжьаниа ҭелла Аҧсны иҟаз Урыстәылатәи Афедерациа Аҷыдалкаатәи азинмчызмоуи актәи Ацҳаражәҳәаҩ Семион Григориев 60 – шықәсатәи ииубилеи идиныҳәалеит.  

Аҳәынҭқарра ахада иазгәеиҭеит Семион Вичеслав-иҧа ҳтәылаҟны набыцра зқәым имаҵзура, ҳтәыла иазыҟазаашьала Аҧсны жәлар раҳаҭырқәҵареи рыбзиабареи дшаҧсахаз.  

«Шәара Аҧсны иқәынхо ауааҧсыра шәырзааигәан, ҳаҭыр шәықәырҵон. Гәыблыла иаҳгәалаҳаршәоит Аҧсны шәусура ашықәсқәа. Ахә ашьара уадаҩуп Аҧсни Урыстәылеи рҳәынҭқаррабжьаратә еизыҟазаашьақәа рырҕәҕәара аус аҟны хаҭала шәлагаламҭа.

Есқьынгьы ҳашәзыҧшуп, ара ҳадгьыл аҟны шәбара ҳара ҳзы гәахәароуп», - иҳәеит Аслан Бжьаниа.

Ахада Семион Григориев изеиҕьеишьеит агәабзиара, аҭынчра, анасыҧ.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org