Аҧсны Аҳәынҭқарра Ахада

 

Станислав Говорухин инышәынҭраҟны ашәҭшьыҵәрақәа рышьҭаҵара

15.06.2020

Аҧсны Аҳәынҭқарра Ахада Аслан Бжьаниа идҵала Москва ақ. аҟны еицырдыруа урыстәылатәи арежиссиор, актиор, асценарист, ауаажәларра-политикатә усзуҩы Станислав Говорухин иҧсҭазаара далҵижьҭеи ҩышықәса аҵра инамаданы инышәынҭраҟны ашәҭшьыҵәрақәа шьҭаҵан.  

Аслан Бжьаниа адгылара аиҭеит 2022 шықәсазы Аҧсны акинофестиваль «Говорухин ифильмқәа рымчыбжь» амҩаҧгара. Уи Аҧсны иҭыхыз Станислав Сергеи-иҧа ифильм «Робинзона Крузо иҧсҭазаареи иџьашьахәу ихҭысқәеи» аҧҵеижьҭеи 50 шықәса аҵра иазкхоит.

Аслан Бжьаниа Москваҟа иусуратә ныҟәараан Станислав Говорухин иҧшәмаҧҳәыс Галина Борис-иҧҳа дылҧылараны дыҟоуп афестиваль аҽалархәразы Аҧсныҟа ааҧхьара лиҭарц азы, афестиваль иазку Станислав Говорухин иусумҭақәа рцәыргақәҵа амҩаҧгара алыршара алацәажәаразы.  

Аслан Бжьаниеи Станислав Говорухини хаҭала еибадыруан, аизыҟазаашьа бзиақәа рыбжьан.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org