Аҧсны Аҳәынҭқарра Ахада

 

Ахада Аҧсны аҧсылманцәа русбарҭа ахантәаҩы дидикылеит

12.06.2020

Ахада Аҧсны аҧсылманцәа русбарҭа ахантәаҩы дидикылеит

Аҧсны Аҳәынҭқарра Ахада Аслан Бжьаниа Аҧсны амуфти, Аҧсны аҧсылманцәа Иаку Рдоуҳатә Усбарҭа ахантәаҩы Ҭемыр Ӡыбеи адинтә усқәа рзы Ҭырқәтәылатәи Ареспублика  Аусбарҭа ахаҭарнак Аиҳан Цихичбеи идикылеит.

Аҧсылман доуҳамаҵзуцәа рхаҭарнакцәа Аслан Бжьаниа идырныҳәалеит  аҳәынҭқарра Ахадас иалхра.  «Аҧсны атәылауаа Шәара агәрагара ду шәырҭеит. Ари иуадаҩу аҭакҧхықәра зцу маҵуроуп. Шәара ареспублика шәанахагыла аполитикатәи асоциалтә-економикатәи ҭагылазаашьа мариаӡам.   Ҳара Аллаҳ ҳиҳәоит амч-алшара шәиҭарц ари амаҵура аныҟәгараҟны»,-  Аҧсны амуфти хада.

Аслан Бжьаниа асасцәа аҧсшәа раҳәо, иазгәеиҭит аконфессиабжьаратә ҳәоуеиқәшәара иамоу аҵак ду. Иҳәеит Аҧсуа ҳәынҭқарра аҕәҕәахареи аҿиареи рыхьӡала адинтә еиҿкаарақәа реидгылара аҭахны ишыҟоу.  

«Аҧсны ашәышықәсақәа рыҩныҵҟа  ҳәоуеиқәшәарала ишьақәгылан еиуеиҧшым аконфессиақәа реизыҟазаашьа.  «Ҳара ҳҳәынҭқарра динттә шьақәгылашьаӡам иамоу, иара Аконституциа адинтә дунеихәаҧшрақәа рхақәиҭра иадгылоит»,- иҳәеит Ахада.  

Аҳәынҭқарра Ахадеи аҧсылмантә доуҳамаҵзуцәеи Аҧсны аҧсылманцәа Рдоуҳатә Усбарҭа аусура иадҳәалоу азҵаарақәа жәпакы ирылацәажәеит.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org