Аҧсны Аҳәынҭқарра Ахада

 

Аҧсны Ахада Инал Арӡынба диҧылеит

07.06.2020

Аҧсны Аҳәынҭқарра Ахада Аслан Бжьаниа аҧызацәа қәыҧшцәа реицлабра “Аҧсны агәадура” аҧҵаҩы, Урыстәыла аҳәынҭқарратә абжьагаҩ ҵабырг Инал Арӡынба диҧылеит. Аиҧылараҟны ирылацәажәеит аҿар аҳәынҭқарратә напхгараҭараҟны ралахәра азҵаара.  

Аслан Бжьаниа иаҵшьны иҳәеит аҿар ауаажәларра рыҧсҭазаара активла иалахәу аилазаарақәа ишыруаӡәку.  
  " Аҧызацәа қәыҧшцәа реицлабра иаанарҧшыроуп ҳҳәынҭқарра иахәарҭахаша еффективра злоу анапхгаҩцәа ҿарацәа. Сара агәра ганы сыҟоуп ҳҿар аицлабра аҳәаақәа рыҩныҵҟа алҵшәа бзиақәа шаадырҧшуазы", - иаҵшьны иҳәеит аҳәынҭқарра ахада.  

Инал Арӡынба Ахада иҭабуп ҳәа еиҳәеит апроект иаиҭаз адгыларазы. "Лаҵарамзазы ҳара Аҧсны ақалақьқәеи араионқәеи рыҟны аиҧыларақәа мҩаҧаҳгеит. Ҳара абаҩхатәра змоу, адгылара зыҭатәу аҿар ҳамоуп. Аицлабра “Аҧсны Агәадура” еффективла злоу анапхгаҩцәа рзы социалтә лифтны иҟалароуп.  Иҭабуп ҳәа шәасҳәар сҭахуп ари апроект иашәҭо адгыларазы",- иҳәеитт иара.

Аҧсны Ахада иазгәеиҭеит зҿлымҳара шазиуло аицлабра амҩаҧысшьа, уи адгыларагьы шаиҭало.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org