Ахада Очамчыра араион актив Администрациа ахада ин.н. дыдирдырит

Аҧсны Аҳәынҭқарра Ахада Аслан Бжьаниа Очамчыра араион Администрациа ахада ин.н. Станислав Амыҷба Очамчыра араион актив дыдирдырит.  

Аҳәынҭқарра Ахада араион ҧасатәи анапхгаҩцәеи администрациа аусзуҩцәеи ихы рықәкны иҭабуп ҳәа реиҳәеит имҩаҧгоу аусуразы.

«Сара издыруеит араион аҟны аҭагылазаашьа шымариам.  Убас шакәугьы, шәара ишәылшоз ҟашәҵон. Ҳгәы иаанагоит аҭагылазаашьа есааира аиҕьхара иалагоит ҳәа. Станислав Илиа-иҧа араион аҟны ибзианы дырдыруеит, политикатә дунеихәаҧшрас ишәымазаалак, зегьы шәыжәҩа еибыҭаны араион аизҳазыҕьара аус шәҽалашәырхәроуп», - иҳәеит А. Бжьаниа.

Араион ахада ин.н. ихы иқәкны иҳәеит акадрқәа ралкаараҟны аҧышәеи  апрофессионалтә ҟазшьақәеи дрықәныҟәаларц.

Станислав Амыҷба ирҭаз агәрагаразы иҭабуп ҳәаны, агәра диргеит иҿаҧхьа иқәгылоу аҳасабтәқәа шынагӡахо.  


Возврат к списку