Аҧсны Аҳәынҭқарра Ахада

 

Ахада инапы аҵаиҩит Саида Быҭәба Администрациа Анапхгаҩы ихаҭыҧуаҩыс лаҭаразы Аусҧҟа

29.05.2020

Аҧсны Аҳәынҭқарра Ахада Аслан Бжьаниа  инапы аҵаиҩит Саида Рушьни-иҧҳа Быҭәба Ахада Иадминистрациа Анапхгаҩы ихаҭыҧуаҩыс лаҭаразы Аусҧҟа.



Быҭәба Саида Рушьни-иҧҳа диит 1983 шықәса рашәарамза 23 рзы Аҟәа ақ.  

1989 -1992 шш. – аҵара лҵон Н. Лакоба ихьӡ зху Аҟәатәи ашьхарыуаа рышкол № 10.

1992 ш. дҭалеит Адыгеиатәи ареспубликатә гимназиа №1, далгеит 2000 ш.

2000 - 2005шш. Адыгеиатәи аҳәынҭқарратә университета  аҟны аҵара лҵон.

2005 – 2008 шш. аҵара лҵон Ҟәбантәи аҳәынҭқарратә университет, аҳәынҭқарра атеориеи аҭоурыхи, азини ркафедра аспирантураҟны.
  
2008 ш. – акандидаттә диссертациа лыхьчеит «Аҧсны Аҳәынҭқарра азинтә система ашьақәгылара аҷыдарақәа (1990-2005 гг.)» атемала.

2005-2006 шш. – аус луан Ареспублика Адыгеиа Аҳәынҭқарратә Хеилак –Хасе Азинтә усбарҭа азакәанапроектқәа рызырхиареи аекспертиза рзуреи рыҟәшаҟны.

2009-2010 шш. – аус луан Аҧсны Аҳәынҭқарра Администрациа аҳәынҭқарратә контроль ареферент еиҳабыс.

2009- 2010 шш. – аус луан Аҧсны Аҳәынҭқарра Ахада иҟны астратегиатә ҭҵаарақәа рцентр аҭҵаарадырратә усзуҩы еиҳабыс.

2009-2010 – аус луан Иаарту Аҟәатәи аинститут аҟны рҵаҩыс «Аҧсны Аҳәынҭқарра Аконституциатә зин» акурс ала, аҳәаанырцәтәи атәылақәа рконституциатә зин ала».

2010 - 2020 шш. – аус луан АА Аҳәынҭқарратә шәарҭадара амаҵзура аиуристтә ҟәшеиҵа аиҳабыс.  

  2009 ш. цәыббрамза инаркны иахьа уажәраанӡа аус луеит  Аҧснытәи аҳәынҭқарратә университет арҵаҩыс «Аҧсны Аҳәынҭқарра Административтә зин» акурс ала.

40 усумҭа, амонографиақәа ҧшьба авторс дрымоуп.

Дҭаацәароуп. Аҧҳа длымоуп.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org