Аҧсны Аҳәынҭқарра Ахада

 

Аслан Бжьаниа Сергеи Шоигу 65-шықәсаихыҵра идиныҳәалеит

21.05.2020

Аҧсны Аҳәынҭқарра Ахада Аслан Бжьаниа Урыстәылатәи Афедерациа Атәылахьчара аминистр, арра аинрал Сергеи Шоигу 65-шықәсаихыҵра идиныҳәалеит.

Адныҳәалара атекст аҟны, ҷыдала, иҳәоуп:

"Ҳаҭыр зқәу Сергеи Кужугет-иҧа!

Аҧсны Аҳәынҭқарра анапхгара ахьӡала, хаҭала сара сҟынтә гәык-ҧсыкала ишәыдысныҳәалоит   65-шықәсатәи шәиубилеи.
Шәнапы злаку аус аҿы, шәҳәынҭқарра аизҳазыҕьара иазку шәусураҟны иаашәырҧшуа апрофессионализм ҳаракы, апринципра, атәылаҟны ишәымоу аҳаҭыри агәрагареи шәрыҧсаны шәҟарҵеит, хамеигӡарада Аҧсадгьыл амаҵ ауразы Шәара ҿырҧшыга бзианы шәыҟоуп.  

Ҷыдала иазгәасҭарц сҭахуп, аибашьра ашықәсқәа раан еиҧш, уи ашьҭахьтәи аамҭақәа раангьы Аҧсны Аҳәынҭқарраҟны аҭынчреи аҭышәынтәалареи рышьақәыргылараҟны шәлагаламҭа.

Урыстәылеи Аҧсни ртәылахьчара аминистррақәа рыбжьара аусеицура мҩаҧысуеит аихьӡара бзиақәа аманы. Агәра ганы сыҟоуп Шәара шәнапхгарала арҭ аусбарҭақәа реизыҟазаашьақәа есааира ишыҕәҕәахало, аҧхьаҟа аҿиара шроуа.

Ҳаҭыр зқәу Сергеи Кужугет-иҧа, аҭагылазаашьа схы иархәаны, даҽазныкгьы ишәыдысныҳәаларц сҭахуп ари ахҭыс бзиа, ишәзеиҕьасшьоит агәабзиара, агәамч, аихьӡарақәа шәнапы иану шәмаҵураҟны".


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org