Аҧсны Аҳәынҭқарра Ахада

 

Аслан Бжьаниа Беслан Ешба Аҟәа ақ. администрациа аколлектив дыдирдырит

04.05.2020

Аслан Бжьаниа Беслан Ешба Аҟәа ақ. администрациа аколлектив дыдирдырит

Аԥсны Аҳәынҭқарра Ахада Аслан Бжьаниа Аҟәа ақ. администрациа аколлектив дыдирдырит аҳҭнықалақь ахада ин.н.

Ари аиҧылара иалахәын ақалақьтә Администрациа аҟәшақәа рнапхгаҩцәа.

Ареспублика ахада аиҧылара ааиртит ақалақь аколлектив аҧсшәа раҳәарала, иҳәеит мшаҧымза 30 рзы Аусҧҟақәа ҩба инапы шрыҵаиҩыз - Аҟәа ақ. администрациа ахада ин.н. имаҵураҟнытә ихы иақәиҭтәеи Аҟәа ақ. администрациа ахада имаҵура назыгӡо изы.

Ахада Иадминистрациа анапхгаҩы Алхас Кәыҵниа Аусҧҟа атекст даҧхьеит:

«Административтә-дгьылҵакыратә акрақәа рзы» Аҧсны Аҳәынҭқарра Азакәан ахәҭаҷ 24 инақәыршәаны, Аҟәа ақ. администрациа ахада инапынҵақәа рынагӡаҩыс даҭазааит Ешба Беслан Фиодор-иҧа».

«Сгәы иаанагоит, ақалақьтә Администрациаҟны иҟоу атрадициақәа еиқәхап ҳәа. Аколлективгьы ақалақь ҧасатәи ахада ин.н. еицымҩаҧыжәгаз аусуразы иҭабуп ҳәа шәасҳәоит. Ақалақь ҳҳәынҭқарра ахаҿра аныҧшуеит. Ақалақь ахада ҿыц имҩаҧигараны дыҟоу ауснагӡатә ақалақь аиҿкаара иазкхоит», - иҳәеит Ахада.

Аҟәа ақалақь ахада ин.н. атәыла анапхгара иҭабуп ҳәа реиҳәеит ирҭаз агәрагаразы, дагьрылацәажәеит раҧхьатәи ашьаҿақәа:

«Ҳаҭыр зқәу Аслан Гьаргь-иҧа, ҳаҭыр зқәу аколлегацәа. Раҧхьа иргыланы иҭабуп ҳәа расҳәоит атәыла анапхгара ҳаҳҭнықалақь напхгара аҭаразы исырҭаз агәрагаразы. Хымҧада, исыду аҭакҧхықәра еилыскаауеит, сара сганахьалагьы сымч-чылша, сдыррақәа схы иасырхәоит ажәаҟны акәымкәа, аус аҟны ҳаҭнықалақь иқәынхо ауааҧсыреи иаҳҭаауаа асасцәеи ҳусура алҵшәа ҳаракқәа. Иҟаҵатәу раҧхьатәи ашьаҿақәа Администрациа аҟны аус зуа аколлегацәеи ҳареи ҳаилацәажәарала иҳаӡбоит. Администрациа аилазаара сахәаҧшыр сҭахуп ҳтәыла азакәанҧҵареи Аконституциа инақәыршәаны ашьақәыргыларазы. Жәаҳәарада, Администрациа аппарат аусура аусура иахьынӡауа алҵшәа амазароуп. Сара ақалақьтә еизара мацара акәымкәа, ҳтәылауааи ҳареи ҳаимадазароуп ҳәа исыҧхьаӡоит».

Анаҩс, Аԥсны Аҳәынҭқарра Ахада Аслан Бжьаниа ақалақь Администрациаҟны имҩаҧигеит иарку аилацәажәара ақалақь ахада ин.н. Беслан Ешбеи Аҟәа ақ. Аизара ахантәаҩы Константин Ҧлиеи алархәны.

0X0A6932.JPG


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org