Аҧсны Аҳәынҭқарра Ахада

 

Аслан Бжьаниа аерманцәа ргеноцид иалаӡыз ргәалашәара амш инамаданы аерман жәлар рыхьӡала адышшылара ҟаиҵеит

24.04.2020

Аҧсны Аҳәынҭқарра Ахада Аслан Бжьаниа аерманцәа ргеноцид иалаӡыз ргәалашәара амш инамаданы аерман жәлар рыхьӡала адышшылара ҟаиҵеит:

"Иахьа ипрогрессивтәу ауаажәларра зегьы иргәаладыршәоит аҩажәатәи ашәышықәсазы иҟалаз атрагедиа хлымӡаах  –  аерманцәа ргеноцид иалаӡыз. Миллионки бжаки инарзынаҧшуа аерманцәа массала иқәырхит, ахырҵәара иақәдыршәеит.

Османтәи аимпериаҟны зыҩнқәа ааныжьны иқәҵны имцар амуа иҭадыргылаз жәанызқьҩыла аерманцәа Аҧсны хыдкыларҭас ироуит.
Аерман диаспорақәа ари ҳаҭырла иазнеины иҧсадгьылны ирзыҟалаз Аҧсны аҳәынҭқарра аргылара рҽаладырхәит.

Иахьа гәалсрыла иаҳгәалаҳаршәоит 105 шықәса раҧхьа харада ибжьадырӡыз ауаа, аҭоурых иаҳнаҭаз аҧышәа аҧхьаҟа ас еиҧш агыгшәыграқәа еиҭа ралмыршараҟны иҳацҳархраац азы.
Иҟазааит есқьынгьы аҭынчра, арыцҳаибашьара, амилаҭбжьаратә ҳәоуеиқәшәара".


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org