Аҧсны Аҳәынҭқарра Ахада

 

Адәныҟатәи аполитика ҳәоуеиқәшәарала амҩаҧгара алыршара иазку аусмҩаҧгатәқәа рзы Амеморандум анапаҵаҩразы ахцәажәарақәа

11.03.2015

Хәажәкыра 11 Москва Аҧсни Урыстәылеи адәныҟатәи русқәа рзы аминистрцәа Виачеслав Чрыгбеи Сергеи Лаврови ҳәоуеиқәшәарала Адәныҟатәи аполитика амҩаҧгара алыршара иазку аусмҩаҧгатәқәа рзы Амеморандум рнапы аҵарҩит. Ари адокумент анапаҵаҩра крызҵазкуа шьаҿоуп абҵара 24, 2014 ш. аидгыларатәи астратегиатә усеицуреи рзы Аҧсни Урыстәылеи ирыбжьарҵаз Аиқәшаҳаҭра Ахәҭаҷ 4 анагӡаразы. Уа иҳәоуп Урыстәыла Аҧсны аҧхьаҟа жәларбжьаратәи азхаҵареи, убрахь иналаҵаны иара Урыстәыла аҧшьгарала иаҧҵахо жәларбжьаратәи аиҿкаарақәа рылалареи ишацхраало.

Аҵакы ду азгәаҭатәуп, ари аиқәшаҳаҭра анаҵаҩха инаркны ишаҧҵахо ҳтәылақәа рҳәоу еиқәшәаны Аҧсны жәларбжьаратәи азхаҵара амҽхак арҭбаареи уи жәларбжьаратәи аполитикатә наӡааӡараҿы апозициа арҕәҕәареи ирызку адәныҟаполитикатә усхкқәа рымҩаҧгаразы иааиҧмырҟьаӡакәа аус зуа амеханизм.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT