Аҧсны Аҳәынҭқарра Ахада

 

Башар Асад Ахьыҧшымра амш идныҳәалара

17.04.2020

Аҧсны Аҳәынҭқарра Ахада инапынҵақәа назыгӡо Валери Бганба Шьамтәылатәи Арабтә Респубика Ахада Башар Асад Ахьыҧшымра амш идиныҳәалеит.

Адныҳәалараҟны, ҷыдала, иҳәоуп:

«Гәык-ҧсыкала ишәыдысныҳәалоит амилаҭтә ныҳәа – Ахьыҧшымра амш.  

Мшаҧымза 17 шьамтәылатәи ажәлар рҭоурых аҟны, аҳәынҭқарра ашьақәгылараҟны акрызҵазкуа хҭысны иҟалеит. Ари аныҳәа ҿыц игыло абиҧарақәа рзы агәымшәара, ахамеигӡара, Аҧсадгьыл абзиабара, агәрагара, агәыҕра ирсимволны иҟалеит.

Ҳара иаҳхашҭраны иҟаӡам Шьамтәылатәи Арабтә Респубика Аҧсны Аҳәынҭқарра зхы иақәиҭу, исуверентәу ҳәынҭқаррак аҳасабала азхаҵарала иҟанаҵаз ацхыраара ду.  
Агәра згоит аиҩызара уасхырс иззышьҭоу ҩ-ганктәи аизыҟазаашьақәа аҧхьаҟагьы рырҕәҕәара Аҧсни Шьамтәылеи рыжәларқәа реизҳазыҕьара иазку аҧсны-шьамтәылатәи астратегиатә усеицура амҽхак арҭбаара шьаҭас ишаиуа.

Акрызҵазкуа абри амш аҽны гәык-ҧсыкала ишәзеиҕьасшьоит агәабзиара, анасыҧ, Ахада имҵураҟны аиааира ҿыцқәа, аихьӡарақәа, аиҩызара ҳзызуа Шьамтәылатәи Арабтә Респубика ажәлар – аҭынчра, аизҳазыҕьара».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org