Аҧсны Аҳәынҭқарра Ахада

 

Аҧсны ауааҧсыра коронавирустә ҿкы COVID-19 ацәыхьчаразы Акоординациатә штаб аҳәамҭа

01.04.2020

Аҳәынҭқарра Ахада инапынҵақәа назыгӡо Валери Бганба хантәаҩра ззиуа Аҧсны ауааҧсыра коронавирустә ҿкы COVID-19 ацәыхьчаразы Акоординациатә штаб аҳәамҭаҟны иҳәоуп:

«Ҳаҭыр зқәу Аҧсны Аҳәынҭқарра атәылауаа!

Ишыжәдыруеиҧш, коронавирустә ҿкы COVID-19 апандемиа адунеи зегьы амҽханакит . Ичмазаҩхаз рзеиҧш хыҧхьаӡара 800 нызқь иахысит. Рыцҳарас иҟалаз иҧсуа рахьтә процентла еиҳауп абыргцәа, адунеи зегьы аҟны 40 нызқьҩык иреиҳауп.
Короновирус апандемиа ахьнеиз атәылақәа жәпакы реиҳабыра аҿкы аламҵәаразы даара иџьбароу ауснагӡатқәа мҩаҧыргоит.
Арҭ ауснагӡатәқәа абжьааҧнытәи ҳаҧсҭазаара, азинқәа, ахақәиҭрақәа анырра ҕәҕәала иарҭеит, аекономика аҧхасҭа арҭоит, - аха урҭ аҭахуп, избанзар аҧсреи абзареи аамҭа ҳҭагылоуп.
Атәыла ауааҧсыра коронавирустә ҿкы алаҵәара ҟамларц агәҽанҵаразы апрофилактикатә уснагӡатәқәа мҩаҧнагоит, аҧкрақәа ҟалеит иара убас аҳәынҭқарратә ҳәаа ахысра арежим, атәымтәылауааи атәылауаҩра змам ахаҿқәеи атәыла алалара иақәиҭӡам.
Рыцҳарас иҟалаз, есҽны адунеи аҟны аепидемиологиатә ҭагылазаашьа аицәахара, ҳгәылара иҟоу атәылақәа рыҟны ичмазаҩхаз рхыҧхьаӡара иубартә иахьазҳауа иахҟьаны, иара убас ауаажәларра короновирус иацу ашәарҭара ҭакҧхықәрала иахьазымнеиуазы, аҳәынҭқарратә ҳәаа ахысра (алалара-алҵра) аанкылара азҵаара цәырҵит, иара убас Аҧсны атәылауаа, афатәаалыҵтәи амедицинатә мҩангарақәеи аламҵакәа.
Ааигәа автотранспорттә хархәагақәеи атәылауааи реиҭаҵра аниҵамха, Аҧсны ауааҧсыра рыхьчаразы Акоординациатә штаб иара убас атәыла иахьаҵанакуа зехьынџьара уахынланы акомендантә сааҭи ҽынла атәылауаа реиҭаҵра аҧкреи ралагалара азҵаара иахәаҧшуеит.
Аҳәара ҟаҳҵоит Аҧсны атәылауаа арҭ аҧкратә уснагӡатәқәа еилкаарала иазнеирц».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org