Аҧсны Аҳәынҭқарра Ахада

 

Иалху Аҧсны Аҳәынҭқарра Ахада Аслан Бжьаниа Аҧсны жәлар рышҟа ааҧхьара ҟаиҵеит

28.03.2020

Иалху Аҧсны Аҳәынҭқарра Ахада Аслан Бжьаниа Аҧсны жәлар рышҟа ааҧхьара ҟаиҵеит.

   ***
Акыр иаҧсоу ҳауаажәлар!

Иахьа иҟоу аҭагылазаашьа иҳаднаҵоит ашәарҭадаразы зыда ҧсыхәа ыҟам ауснагӡатәқәа рымҩаҧгара. Агәҽанҵара иазкызароуп аусурақәа. Ашәара аларҵәара ҟамлароуп. Абри аамҭазы амассатә усмҩаҧгатәқәа рыҽрылархәра аанкылатәуп, ақьабзтәқәагьы уахь инадкыланы. Аус рулароуп ҳтәылауаа рыҧсҭазаареиҿкаара азҵаара знапы алаку мацара. Ҷыдала аҭакҧхықәра рыдуп амедицинатә усҳәарҭақәа русзуҩцәа.
Адунеи аҧышәара ду иҭагылоуп. Иҟоу аҭагылазаашьа ахьынӡауадаҩу еилышәкаароуп. Шәара шәхымҩаҧгашьа иаӡбо рацәоуп. Дызусҭзаалак ихгьы ихьчароуп, изааигәоугьы. Дарбанзаалак ҭакҧхықәрала дазнеир ари аамҭа, цәыӡ ҳамаӡамкәа ҳалҵуеит. Аҽыҧхьакра ҳара иаҳҟазшьам, аха иахьа иаҳзааигәоу, ҳҭынхацәа ҳрызхәыцроуп. Ҳаиҳабацәа еиҳагьы ишәарҭоуп.
Атәыла анапхгара ауааҧсыра короновирустә ҿкы ацәыхьчаразы ирылшо зегьы ҟарҵоит. Аҭакҧхықәра зду аусбарҭақәа аҭагылазаашьа иахылаҧшуеит. Аҳәара ҟасҵоит, ҳтәыла аиҳабыра имҩаҧнаго ауснагӡатәқәа изықәныҟәатәу акы аҳасабала шәазнеирц.
Ахада инапынҵақәа назыгӡо, агәабзиарахьчара аминистр, аҷыдалкаатә ҭагылазаашьазы аминистр есҽны ари аҭагылазаашьа ацәцаразы имҩаҧырго ауснагӡатәқәа рзы адырра сырҭоит.

Ҳауаажәлар бзиа!
Сшәыҳәоит ҳаизхәыцып! Анцәа даҳхылаҧшааит!


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org