Аҧсны Аҳәынҭқарра Ахада

 

Анатоли Бибилов Аслан Бжьаниа Аҧсны Аҳәынҭқарра Ахада имаҵурахьы иалхра идиныҳәалеит

23.03.2020

Алада Уаҧстәыла Ареспублика Ахада Анатоли Бибилов Аслан Бжьаниа ихьӡала Аҧсны Аҳәынҭқарра Ахада имаҵурахьы иалхра инамаданы адныҳәалара ааишьҭит.  

Адныҳәалараҟны иҳәоуп:

«Ҳаҭыр зқәу Аслан Гьаргь-иҧа,
Гәык-ҧсыкала ишәыдысныҳәалоит Аҧсны Аҳәынҭқарра Ахада имаҵурахьы шәалхра.
Хәажәкырамза 22 рзы имҩаҧысыз ахада иалхрақәа рыҟны ижәгаз агәра узырго аиааира шәыуаажәлар рыҩныҵҟа ишәымоу аҳаҭыр шаҳаҭра азнауеит. Аҧсны жәлар иҟарҵаз алхра амилаҭтә ҳәынҭқарратәра, асоциалтә-економикатә ҿиара, ауаажәларра реидгылара рырҕәҕәара иазку Шәара шәыпрограмма ишадгыло атәы бзианы иаанарҧшуеит.  

Сара агәра згоит, хаҭала Шәара иҟашәҵо адгыларала ҳаиашьаратә жәларқәа жәытә-натә аахыс еидызҳәало аизыҟазаашьақәа аҧхьаҟагьы рыҿиара ишацырҵо.  
Ҳаҭыр зқәу Аслан Гьаргь-иҧа, ишәзеиҕьасшьоит агәабзиара, агәамч, Аҧсуа ҳәынҭқарра ахадаразы шәнапы иану аус ду аҟны аихьӡарақәа, аҧсуа жәлар – аҭынчра, аизҳазыҕьара».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org