Аҧсны Аҳәынҭқарра Ахада

 

Аҧсны Аҳәынҭқарра Ахада инапынҵақәа назыгӡо Урыстәылатәи Афедерациа Адәныҟатәи аусқәа рминистр Сергеи Лавров ииубилеи идиныҳәалеит

21.03.2020

Аҧсны Аҳәынҭқарра Ахада инапынҵақәа назыгӡо Валери Бганба Урыстәылатәи Афедерациа Адәныҟатәи аусқәа рминистр Сергеи Лавров ииубилеи идиныҳәалеит.

Адныҳәалараҟны иҳәоуп:

«Ҳаҭыр зқәу Сергеи Виқтор-иҧа!

Аҧсны Аҳәынҭқарра анапхгара ахьӡала, хаҭала сыҟнытә ҳаҭыр ду шшәықәу азгәаҭо, ишәыдысныҳәалоит 70 шықәса шәхыҵра.
Шәара шәыҧсҭазааратә мҩа — гәык-ҧсыкала Аҧсадгьыл амаҵура иаҿырҧшыга бзиоуп. Атәыла аинтересқәа ҕәҕәала рыдгыларала, жәларбжьаратәи азин апринципқәа рықәныҟәарала, Шәара напхгара зышәҭо урыстәылатәи адипломатиа Адунеи аҟны аҭынчра аиқәырхара, ашәарҭадара ашьақәыргылара, жәларбжьаратәи аимадарақәа рырҿиара иазкуп.
Аҧсны Аҳәынҭқарраҟны ахә ҳаракны иршьоит ҳреспублика жәларбжьаратәи аимадарақәа рыҩныҵҟа аинтересқәа рышьақәырҕәҕәара апроцессқәа рыҟны Шәара хаҭала шәалахәреи шәлагаламҭеи.
Ҳара агәра ҳгоит аҧхьаҟагьы ҳтәылақәа русеицура аҿиараҟны зыгәрагоу дгылаҩны шәшыҟало.

Гәыкала ишәзеиҕьасшьоит агәабзиара, аҭынчра, бзиарақәас иҟоу зегьы Шәара шәеиҧш, ишәзааигәоу ауаагьы!


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org