Аҧсны Аҳәынҭқарра Ахада

 

Аԥсны Аҳәынҭқарра Ахада инапынҵақәа назыгӡо Аҧсны Аҳәынҭқарра ауааҧсыра 2019-nCoV иахҟьаз короновирустә инфекциа ацәыхьчаразы Аусбарҭабжьаратә оперативтә штаб аҧҵаразы Адҵа инапы аҵаиҩит

04.03.2020

Аԥсны Аҳәынҭқарра Ахада инапынҵақәа назыгӡо Валери Бганба хәажәкырамза 4 рзы инапы аҵаиҩит Аҧсны Аҳәынҭқарра ауааҧсыра 2019-nCoV иахҟьаз короновирустә инфекциа ацәыхьчаразы Аусбарҭабжьаратә оперативтә штаб аҧҵаразы Адҵа.

Адокумент аҟны иҳәоуп:

«Аҧсны Аҳәынҭқарра ауааҧсыра 2019-nCoV иахҟьаз короновирустә инфекциа ацәыхьчара хықәкыс иҟаҵаны:
1. Иаҧҵазааит Аусбарҭабжьаратә оперативтә штаб абри аилазаара ала:
Ҵахнакьиа Ҭ.М. – агәабзиарахьчареи асоциалтә еиқәыршәареи рминистр - Аштаб анапхгаҩы;
Бобуа А.А. – Аҧсны Аҳәынҭқарра Амиграциатә маҵзура аиҳабы;
Кәыҵниа Л.К. – Аҧсны Аҳәынҭқарра аҷыдалкаатәи ҭагылазаашьақәа рзы аминистр;
Какоба А.П. – Аҧсны Аҳәынҭқарра аҵара аминистр;
Ақаҩба Д.В. – Аҧсны Аҳәынҭқарра Адәныҟатәи аусқәа рминистр;
Кәарацхелиа Л.С. – Аҧсны Аҳәынҭқарра Аҩныҵҟатәи аусқәа рминистр ихаҭыҧуаҩ;
Скорик Л.В. – Аҧсны Аҳәынҭқарратә санитартә ҳақьым;
Ҭарба Р.Б. – Аҧсны Аҳәынҭқарра Арратә прокурор;
Чачхиани Н.Г. – Аҧсны Аҳәынҭқарратә шәарҭадара ахантәаҩы ихаҭыҧуаҩ;
Аҧсны Аҳәынҭқарра ақалақьқәеи араионқәеи радминистрациақәа рхадацәа.

2. Аҧсны Аҳәынҭқарра Афинансқәа рминистр идҵазааит Аусбарҭабжьаратә оперативтә штаб инанагӡо аусмҩаҧгатәқәа рзы аҧаратә хархәагақәа рыҧшаара».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org