Рустам Минниханов Имшира идныҳәалара

Аԥсны Аҳәынҭқарра Ахада инапынҵақәа назыгӡо Валери Бганба Ареспублика Ҭаҭарсҭан Ахада Рустам Минниханов адныҳәаларатә шәҟәы изишьҭит Имшира ианамаданы.

Адныҳәалараҟны иҳәоуп:

«Ҳаҭыр зқәу Рустам Нургали-иҧа!

Гәык-ҧсыкала ишәыдысныҳәалоит Шәымшира.
Шәара ишәымоу апрофессионализми аҳәынҭқарра амаҵураҟны иаашәырҧшуа ахамеигӡареи ирыбзоураны Ҭаҭарсҭан атәылауаа зегьы раҳаҭыр шәаҧсахеит.

Сара агәра згоит Ареспублика Ҭаҭарсҭан Шәара иашәҭо анапхгарала аҧхьаҟагьы ганрацәала аҿиара шаиуа, ҳара иҳабжьалаз аиҩызаратә еизыҟазаашьақәагьы есааира ишыҕәҕәахо.

Ҳаҭыр зқәу Рустам Нургали-иҧа, азин сышәҭозар, ишәзеиҕьасшьарц сҭахуп агәабзиара, ақәра ду, агәамч, анасыҧ».


Возврат к списку