Аҧсны Аҳәынҭқарра Ахада

 

Мураҭ Кумпилов идныҳәалара

27.02.2020

Жәабранмза 27 рзы Аԥсны Аҳәынҭқарра Ахада инапынҵақәа назыгӡо Валери Бганба адныҳәалара ҟаиҵеит Мураҭ Кумпилов Имшира ианамаданы.

***
Ҳаҭыр зқәу Мураҭ Каральби-иҧа!

Ҳаҭырқәҵара дула ишәыдысныҳәалоит Шәымшира.

Гәык-ҧсыкала исҭахуп агәахәареи анасыҧи шәырҭо иҟалар шәусура алҵшәақәа. Ажәлар рыгәрагареи ишәырҭо адгылареи шәусқәа рыҟны ишәыцхраауа, шәҭаацәара рганахьала ишәымоу аилкаареи ахӡыӡаара шәгәамч иацнаҵо, шәусураҟны ишәоуа ақәҿиарақәа иҿыцу аихьӡарақәа шәзаарго иҟалааит.

Аҧсны жәлар ахә ҳаракны иршьоит ҳаиашьаратә Республика Адыгеиа ҳтәылазы иуадаҩыз аамҭақәа раан иҟанаҵаз ацхыраареи адгылареи. Сара агәра згоит ашәышықсақәа иргәылсны иаауа атрадициақәа шьаҭас измоу ҳаҩ-жәларык реиҩызара аҧхьаҟагьы ишеиҧымҟьо, аҿиара шроуа.

Ишәзеиҕьасшьоит агәабзиара, агәамч, аихьӡарақәа шәнапы злаку аус аҿы.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org