31.01.2020
Аԥсны Аҳәынҭқарра Ахада инапынҵақәа назыгӡо Валери Бганба аҳәынҭқарратә маҵзура «Аԥсныпресс» анапхгареи аколлективи 25 шықәса ахыҵра рыдиныҳәалеит.
Адныҳәалараҟны, ҷыдала, иҳәоуп:
«Ҳаҭыр зқәу Рената Закан-иԥҳа!
Шәара аҧхьа шәнаргыланы, шәколлектив зегьы гәык-ԥсыкала ирыдысныҳәалоит аинформациатә маҵзура «Аԥсныпресс» ашьақәгылара амш!
Аинформациатә массатә хархәагақәа аҭыԥ хада ааныркылоит Аԥсны Аҳәынҭқарра ауаажәларра рыԥсҭазаараҿы. Шәара шәусураҿы аҵак ду аархәо иалагеит шәҟазареи шәыпрофессионализми инарҷыданы, адоуҳатә принципқәа рықәныҟәара.
Иҭабуп ҳәа шәасҳәарц сҭахуп аԥхьаҟагьы Аԥсны атәылауаа актуалтә ажәабжьқәа рыла еиқәзыршәо аинформациатә система аҿиара алзыршо есҽнытәи шәусуразы.
Ишәзеиӷьасшьоит агәабзиара, еицамкуа агәамч, арҿиаратә еихьӡарақәа».