Аҧсны Аҳәынҭқарра Ахада

 

Ахада Адҵа инапы аҵаиҩит иналукааша аҳәынҭқарратә, аполитикатә усзуҩы Анри Михаил-иҧа Џьергьениа иҧсҭазаара иалҵра инамаданы Аҳәынҭқарратә комиссиа аҧҵаразы

06.01.2020

Аҧсны Аҳәынҭқарра Ахада Рауль Ҳаџьымба Адҵа инапы аҵаиҩит иналукааша аҳәынҭқарратә, аполитикатә усзуҩы, ҧасатәи Аҧсны Аҳәынҭқарра Аҧыза-министр Анри Михаил-иҧа Џьергьениа иҧсҭазаара иалҵра инамаданы Аҳәынҭқарратә комиссиа аҧҵаразы.

 Адҵа атекст аҟны иҳәоуп:

«Иналукааша аҳәынҭқарратә, аполитикатә усзуҩы, ҧасатәи Аҧсны Аҳәынҭқарра Аҧыза-министр Анри Михаил-иҧа Џьергьениа иҧсҭазаара иалҵра инамаданы иаҧҵазааит Аҳәынҭқарратә комиссиа абри аилазаараҟны:

Бганба В. Р. — Аҧсны Аҳәынҭқарра Аҧыза-министр, Акомиссиа Ахантәаҩы;

Аршба Д. Џь. — Аҧсны Аҳәынҭқарра Аҧыза-министр Актәи ихаҭыҧуаҩ;

Занҭариа В. К. — Аҧсны Аҳәынҭқарра Ахада иабжьгаҩ;

Кәарҷиа К. В. — Аҟәа ақ. администрациа ахада инапынҵақәа назыгӡо;

Ладариа Р. М. — Гәдоуҭа араион администрациа ахада;

Маршьан З. К. — Аҧсны Аҳәынҭқарра Аминистрцәа реилазаара Аппарат анапхгаҩы ихаҭыҧуаҩ;

Сангәлиа М. П. — Аҧсны Жәлар Реизара Апарламент –Аиҳабы ихаҭыҧуаҩ;

Ҭырқьба Р. Л. —Аҧсны Аҳәынҭқарра Апрокурор хада ихаҭыҧуаҩ;

Чкотуа Д. А. — Лыхны ақыҭа администрациа ахада;

Шьынқәба А. Е. — Аҧсны Аҳәынҭқарра Абыргцәа Рхеилак ахантәаҩы».


 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org