Аҧсны Аҳәынҭқарра Ахада

 

Вадим Красносельски Рауль Ҳаџьымба Ашықәс Ҿыц идиныҳәалеит

30.12.2019

Приднестровиатәи Молдавиа Ареспублика Ахада Вадим Красносельски Рауль Ҳаџьымба Ашықәс Ҿыц идиныҳәалеит.

Адныҳәалараҿы, ҷыдала, иҳәоуп:

"Ҳаҭыр зқәу Рауль Џьумка-иҧа!

Ҳаҭырқәҵарала, Приднестровиатәи Молдавиа Ареспублика ауаажәларра рыхьӡала, иара убас хаҭала сара сыхьӡала ишәыдысныҳәалоит ҳазҭало 2020-тәи ашықәс.

Ари аныҳәа иацуп акы иаламҩашьо агәыӷрақәа, агәрагара бзиақәа, ҷыдала амч ҳнаҭоит, ахәыцра бзиақәа ҳзаанагоит. Ҳаҧсҭазаараҿы иаатуеит даҽа даҟьа ҿыцк. Ашықәс Ҿыц ҳҭалоит иреиӷьу агәалаҟазаареи ацәаныррақәеи ҳаманы.

Иҟалааит 2020-тәи ашықәс зегьы ириааиуа аҭынчреи, агәыҳалалреи, инаӡаз агәыӷрақәеи агәҭакқәеи рыла иҭәны.

Гәык-ҧсык ала ишәзеиӷьасшьоит агәабзиара, ахирра, шәыгәҭакқәа наӡалааит, агәынчра шәыгымзааит».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org