Аҧсны Аҳәынҭқарра Ахада

 

Ахада Ашәарҭадара Ахеилак аилатәара мҩаҧигеит

22.11.2019

Ахада Ашәарҭадара  Ахеилак  аилатәара мҩаҧигеит

Абҵарамза 22 рзы Аҧсны Аҳәынҭқарра Ахада Рауль Ҳаџьымба Аҟәа ақ. аҟны иҟалаз ахҭыс инамаданы Ашәарҭадара Ахеилак аилатәара мҩаҧигеит.

 Аҩныҵҟатәи аусқәа рминистр Гарри Аршба Ахада адырра ииҭеит имҩаҧгоу аусхкқәа рзы. Абри аамҭазы Аҩныҵҟатәи аусқәа рминистрра ахатәы еилазаара зегьы ашьапы иқәыргылоуп, зегьынџьара апостқәа аркуп, Аҩныҵҟатәи аусқәа рминистрра, Апрокуратура хада, Аҳәынҭқарратә шәарҭадара амаҵзура аусзуҩцәа злахәу аоперативтә- ҭҵааратә гәыҧқәа аус руеит.

 Ахада амчратә еилазаарақәа рҿаҧхьа адҵа ықәиргылеит иҟалаз ацәгьоура аарҧшреи ахара зду ақәнага рақәыршәарази аиҵаҟәшақәа зегьы ралархәразы. Аҳәынҭқарра Ахада амчратә усбарҭақәа ирыдиҵеит ацәгьоура ҟазҵаз Аҧсны Аҳәынҭқарра аҳәаа иахымсырц азы иақәнагоу ауснагӡатәқәа мҩаҧыргарц.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT