Аҧсны Аҳәынҭқарра Ахада

 

Ахада Аҧснытәи аҳәынҭқарратә университет аныҳәатә усмҩаҧгатәқәа дырҭааит

21.11.2019

Ахада Аҧснытәи аҳәынҭқарратә университет аныҳәатә усмҩаҧгатәқәа дырҭааит

Абҵарамза 21 рзы Аҧсны Аҳәынҭқарра Ахада Рауль Ҳаџьымба Жәларбжьаратәи астудент имши актәи акурсаа астудентра разкреи инарымаданы Аҧснытәи аҳәынҭқарратә университет аҟны имҩаҧысуаз аныҳәатә усмҩаҧгатәқәа дырҭааит.

Аҧснытәи аҳәынҭқарратә университет аректор Алеко Гәарамиа аныҳәатә усмҩаҧгатәқәа ирҭааз асасцәеи урҭ ирылахәызи аҧсшәа реиҳәеит.

«Амилаҭтә университет – ҳмилаҭ рдоуҳаи рдырреи зныҧшуа ҵараиурҭоуп. Ҳара аҩызцәа рацәаҩны иҳамоуп. Ҳастудентцәа реихьӡарақәа ҳара еснагь ҳгәы еизнарҳауеит. Рыхьӡ кашәара ақәым ҳаҧсадгьыл зхы ақәызҵаз 94-ҩык ҳастудентцәеи ҳарҵаҩцәеи. Ауниверситет алшарақәа есышықәса ирызҳауеит. Сынтәа актәи акурс ахь иҳадаҳкылеит 556-ҩык астудентцәа. Иара убас, Урыстәылатәи Афедерациаҟны амагистратуреи аспирантуреи рахь иҳашьҭит ҳаушьҭымҭацәа»,- ҳәа азгәеиҭеит Алеко Гәарамиа.

Аҳәынҭқарра Ахада астудентцәеи арҵаҩцәеи дрыдныҳәалеит, аихьӡарақәагьы рзеиӷьеишьеит:

«Ауниверситет – ҳҳәынҭқарразы ихадароу махәҭаны иҟоуп аҵареи аҵарадырратә усуреи рыҟны. Уи ҳҿар рҵарадырра аизырҳаразы алшара рнаҭоит. Ауниверситет ашәхымс зшьапы ахызгаз актәи акурсааи аҵара зҵо егьырҭ астудентцәеи ирзеиӷьасшьарц сҭахуп ақәҿиарақәа. Шәара шәдыррақәа, шәара шәыцхыраара аҭахуп иӷәӷәоу аҳәынҭқарра аргылараҟны. Гәык-ҧсыкала зегьы шәҵараҿы ишәзеиӷьасшьоит аихьӡарақәа».

Ахада иара убас ибеит Аҧснытәи аҳәынҭқарратә университет аҿыханҵатә ҟазара афакультет рсахьаркыратә усумҭақәа рекспозициа.
1900 (5).JPG1900 (8).JPG1900 (11).JPG1900 (10).JPG


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT