Ахада Аҧсны аҳәынҭқарратә усбарҭақәа реиҳабацәа рзы Аусҧҟа инапы аҵаиҩит

Абҵарамза 12 рзы Аҧсны Аҳәынҭқарра Ахада Рауль Ҳаџьымба аҳәынҭқарратә усбарҭақәа реиҳабацәа рзы Аусҧҟа инапы аҵаиҩит.

Аусҧҟа атекст аҟны, иҳәоуп:


«Иаҭазааит:

Аҳәба Адамыр Мирон-иҧа - Аҧсны Аҳәынҭқарра Адгьылхархәреи акадастри рзы аҳәынҭқарратә усбарҭа аиҳабыс.

Агрба Ҭемыр Михаил-иҧа - Аргыларазы Аҧсны аҳәынҭқарратә усбарҭа аиҳабыс.

Ашьхацаа Анзор Николаи- иҧа - Аҧсны Аҳәынҭқарра Абнатә нхамҩазы аҳәынҭқарратә усбарҭа аиҳабыс.

Ӷәынџьиа Роман Ҳақыбеи- иҧа - Аҧсны ҳәынҭқарратә архивтә маҵзура аиҳабыс.

Габлиа Рабсҭан Иуана-иҧа - Аҧсны Аҳәынҭқарра Афымцамчи, атранспорти, аимадареи рзы аҳәынҭқарратә усбарҭа аиҳабыс.

Амқәаб Игор Владимир-иҧа - Аҧсны Аҳәынҭқарра Архитектуреи, ақалақьргылареи, анхарҭа-коммуналтә нхамҩеи рзы аҳәынҭқарратә усбарҭа аиҳабыс.

Ҷыҭанаа Савели Михаил-иҧа - Аҧсны Аҳәынҭқарра аекологиеи, аҧсабара ахьчареи рзы аҳәынҭқарратә усбарҭа аиҳабыс».


Возврат к списку