Аҧсны Аҳәынҭқарра Ахада

 

Ахада Аҳәынҭқарратә ҳазалхратә еилакы ахантәаҩы Гәурам Инаԥшьба аколлектив дыдирдырит.

29.10.2019

Ахада Аҳәынҭқарратә ҳазалхратә еилакы ахантәаҩы Гәурам Инаԥшьба аколлектив дыдирдырит.

Жьҭаарамза 29 рзы Аԥсны Аҳәынҭқарра Ахада Рауль Ҳаџьымба Аҳәынҭқарратә ҳазалхратә еилакы ахантәаҩы Гәурам Инаԥшьба аколлектив дыдирдырит.

«Гәыҩбара сымам, анапхгаҩ ҿыц иџьбарареи, игәаҕьреи, иламысцқьареи ирыбзоураны шәусеицурала ҳтәыла алшарақәа иҵегьы иеиҳахарц азы аҭагылазаашьақәа шаԥиҵо.
Ус еиԥш иҟоу алшарақәа ыҟоуп. Ҳарҭ иҳалшо зегьы ҟаҳҵароуп ҳҳәынҭқарра шьақәгыларц азы, ҳахшара ирзынҳажьша ҟаларц азы»,-иҳәеит Ахада.

Гәурам Инаԥшьба иазгәеиҭеит, илшо зегьы шыҟаиҵо алҵшәа бзиа змоу аусуразы.
«Издыруеит иҟоу ауадаҩрақәа, апроблемақәа. Сара арахь сзааз шықәсыла аус зыдулоу ахырбгаларазы акәӡам, иҟаҵоу ацҵаразы, иҿыцу, иаҭахны иҟоу алагаларазы ауп. Ицәырҵуа азҵаарақәа зегьы излауала обиективла срызнеилоит», - иҳәеит иара.

Аҳәынҭқарратә ҳазалхратә еилакы ҧасатәи ахантәаҩы Беслан Ҵнариа, русеицуразы аколлектив иҭабуп ҳәа реиҳәеит:
«Ҳҿаԥхьа иқәгылан имариамыз азҵаарақәа, иҳалшоз ала урҭ рыӡбара ҳаҿын. Аҳазалхратә еилакы - ҳҳәынҭқарра аусбарҭа хадақәа ируакуп. Анапхгаҩ ҿыц изеиӷьасшьоит ачҳара, ахықәкы ацәхьамҵра, алеишәа џьбара. Абас иҟоу ацәаҩа аҭахуп ари амаҵураҟны».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT