Аҧсны Аҳәынҭқарра Ахада

 

Ахада Аҧсны Аҳәынҭқарра Аминистцәа реилазаара ашьақәгылашьа ашьақәырҕәҕәаразы Аусԥҟа инапы аҵаиҩит

28.10.2019

 
Жьҭаарамза 28 рзы Аԥсны Аҳәынҭқарра Ахада Рауль Ҳаџьымба Аҧсны Аҳәынҭқарра Аминистрцәа реилазаара ашьақәгылашьа ашьақәырҕәҕәаразы Аусԥҟа инапы аҵаиҩит.

«Аҧсны Аҳәынҭқарра Аконституциеи «Аҧсны Аҳәынҭқарра Аминистрцәа реилазааразы (Аиҳабыразы)» Аҧсны Аҳәынҭқарра Аконституциатә закәани инарықәыршәаны:

1. Ишьақәырҕәҕәазааит алада иарбоу Аҧсны Аҳәынҭқарра Аминистрцәа реилазаара ашьақәгылашьа:

 I

1) Аҧсны Аҳәынҭқарра Аҧыза-министр;

2) Аҧсны Аҳәынҭқарра Аҧыза-министр Актәи ихаҭыҧуаҩ;

3) Аҧсны Аҳәынҭқарра Аҧыза-министр ихаҭыҧуаҩ;

4) Аҧсны Аҳәынҭқарра Аҧыза-министр ихаҭыҧуаҩ;


II. Аҧсны Аҳәынҭқарра Аминистррақәа

1) Аҧсны Аҳәынҭқарра Аҩныҵҟатәи аусқәа рминистрра;

2) Аҧсны Аҳәынҭқарра Адемографиеи арепатриациеи рминистрра;

3) Аҧсны Аҳәынҭқарра Агәабзиарахьчареи асоциалтә еиқәыршәареи рминистрра;

4) Аҧсны Аҳәынҭқарра Адәныҟатәи аусқәа рминистрра;

5) Аҧсны Аҳәынҭқарра Акультура аминистрра;

6) Аҧсны Аҳәынҭқарра Атәылахьчара аминистрра;

7) Аҧсны Аҳәынҭқарра Ашәахтәқәеи аизгатәқәеи рминистрра;

8) Аҧсны Аҳәынҭқарра Аҷыдалкаатә ҭагылазаашьақәа рзы  аминистрра;

9) Аҧсны Аҳәынҭқарра Аҵара аминистрра;

10) Аҧсны Аҳәынҭқарра Афинансқәа рминистрра;

11) Аҧсны Аҳәынҭқарра Аекономика аминистрра;

12) Аҧсны Аҳәынҭқарра Аиустициа аминистрра.


III. Аҧсны аҳәынҭқарратә еилакқәа 

1) Аҳәынҭқарратә бызшәатә политиказы Аҧсны аҳәынҭқарратә еилакы;

2) Аҿари аспорти русқәа рзы Аҧсны аҳәынҭқарратә еилакы;

3) Акурортқәеи атуризми рзы Аҧсны аҳәынҭқарратә еилакы;

4) Астандартқәеи, ахархәаратәи, атехникатәи хылаҧшразы Аҧсны аҳәынҭқарратә еилакы;

5) Астатистиказы Аҧсны аҳәынҭқарратә еилакы;

6) Амазареи априватизациеи рзы Аҧсны аҳәынҭқарратә еилакы;

7) Аԥсны Аҳәынҭқарратә ҳазалхратә еилакы;

8) Ақыҭанхамҩазы Аԥсны аҳәынҭқарратә еилакы.

 

IV.  Аҧсны Аҳәынҭқарратә усбарҭақәа

1) Аҧсны Аҳәынҭқарратә архивтә усбарҭа;

2) Аҧсны Аҳәынҭқарратә қыҭанхамҩатә усбарҭа;

3) Архитектуреи, ақалақьргылареи, анхамҩа-коммуналтә нхамҩеи рзы Аҧсны аҳәынҭқарратә усбарҭа;

4) Адгьылхархәареи акадастри рзы Аҧсны аҳәынҭқарратә усбарҭа;

5) Аргыларазы Аҧсны аҳәынҭқарратә усбарҭа;

6) Аекологиеи аҧсабара ахьчареи рзы Аҧсны аҳәынҭқарратә усбарҭа; 

7) Афымцамчи, атранспорти, аимадареи рзы Аҧсны аҳәынҭқарратә усбарҭа.


V. Аҧсны Аҳәынҭқарра амаҵзурақәеи аинспекциақәеи 

1) Аҧсны Аҳәынҭқарратә миграциатә маҵзура;

2) Аҧсны Аҳәынҭқарратә ветеринартә маҵзура;

3) Аҵиаақәа ркарантин азы Аҧсны Аҳәынҭқарратә инспекциа.

 

2. Еиҭашьақәыргылазааит Аҧсны Аҳәынҭқарра Ақыҭанхамҩа аминистрра Ақыҭанхамҩазы Аҧсны аҳәынҭқарратә еилакы ҳәа.   

3.  Еиҭашьақәыргылазааит Аҧсны Аҳәынҭқарра Акурорти атуризми рзы аминистрра Аҧсны Аҳәынҭқарра Акурорти атуризми рзы аилак ҳәа.  

4. Еиҭашьақәыргылазааит Аҧсны Аҳәынҭқарра Агәабзиарахьчара аминистрреи Аҧсны Аҳәынҭқарра аусура напалакреи асоциалтә еиқәыршәареи рзы аминистрреи реидҵарала, урҭ рышьаҭала Аҧсны Аҳәынҭқарра Агәабзиарахьчареи асоциалтә еиқәыршәареи рминистрра аҧҵаны.  

5. Еиҭашьақәыргылазааит Аҿартә политиказы Аҧсны аҳәынҭқарратә еилаки Абаҩрҵәыреи аспорти рзы Аҧсны аҳәынҭқарратә еилаки реидҵарала, урҭ рышьаҭала Аҿари аспорти русқәа рзы Аҧсны аҳәынҭқарратә еилакы аҧҵаны;

6. Еиҭашьақәыргылазааит Аргылареи архитектуреи рзы Аҧсны аҳәынҭқарратә еилакы Аргылареи архитектуреи анхара-коммуналтә нхамҩеи рзы Аҳәынҭқарратә усбарҭа ҳәа.  

7. Еиҭашьақәыргылазааит Аекологиеи аҧсабара ахьчареи рзы Аҧсны аҳәынҭқарратә еилакы Аекологиеи аҧсабара ахьчареи рзы Аҧсны Аҳәынҭқарратә усбарҭа ҳәа.    

8. Еиҭашьақәыргылазааит Аҳәынҭқарратә статистиказы Аҧсны аҳәынҭқарратә усбарҭа Аҳәынҭқарратә статистиказы Аҧсны аҳәынҭқарратә еилакы ҳәа. 

9. Еиҭашьақәыргылазааит Аимадареи амассатә коммуникациақәеи рзы аҳәынҭқарратә усбарҭа, Атранспорт азы Аҧсны аҳәынҭқарратә усбарҭеи Аимадара аусхк аусура ахылаҧшразы Аҧсны аҳәынҭқарратә маҵзуреи реидҵарала, урҭ рышьаҭала иаҧҵазааит Афымцамчи, атранспорти, аимадареи рзы Аҧсны аҳәынҭқарратә усбарҭа.

10. Ахьӡ ҧсахзааит:

- Аҧсны Аҳәынҭқарра Акультуреи аҭоурых-культуратә ҭынха ахьчареи рзы аминистрра Аҧсны Аҳәынҭқарра Акультура аминистрра ҳәа;

- Арепатриациазы Аҧсны Аҳәынҭқарра аминистрра Арепатриациеи адемографиеи рзы Аҧсны Аҳәынҭқарра аминистрра ҳәа;
- Аҧсны Аҳәынҭқарра аҵареи аҭҵаарадырреи рминистрра Аҧсны Аҳәынҭқарра Аҵара аминистрра ҳәа;

- Астандартқәеи, афымцамчтәи, ахархәаратәи, атехникатә хылаҧшреи рзы Аҧсны аҳәынҭқарратә еилакы Астандартқәеи, ахархәаратәи, атехникатә хылаҧшреи рзы Аҧсны аҳәынҭқарратә еилакы ҳәа;

- Аҧсны Аҳәынҭқарра Шьаҭанкылатәи аргыларазы аусбарҭа Аҧсны Аҳәынҭқарра аргыларазы аусбарҭа ҳәа.

11. Аҧсны Аҳәынҭқарра Аминистрцәа реилазаара иадҵазааит аиҭашьақәыргылара:

- Аҧсны Аҳәынҭқарра Атәанчаратә фонд Аҧсны Аҳәынҭқарра Агәабзиарахьчареи асоциалтә еиқәыршәареи рминистрра аусҳәарҭа ҳәа.   

 - Аҧсны Аҳәынҭқарра Асоциалтә бгаҧсеи аџьа ахьчареи рзы афонд Аҧсны Аҳәынҭқарра Агәабзиарахьчареи асоциалтә еиқәыршәареи рминистрра аусҳәарҭа ҳәа;

- Аҧсны Аҳәынҭқарра Ихымҧадатәиу амедицинатә ҧгаҧса афонд Аҧсны Аҳәынҭқарра Агәабзиарахьчареи асоциалтә еиқәыршәареи рминистрра аусҳәарҭа ҳәа;    

- 1992 - 1993 шш. Аҧсны Аџьынџьтәылатә еибашьра аинвалидцәа ибиуџьеттәым рфонд Аҧсны Аҳәынҭқарра Агәабзиарахьчареи асоциалтә еиқәыршәареи рминистрра аусҳәарҭа ҳәа.   

- Аҧсны Аҳәынҭқарра Амҩатә фонд Аргыларазы Аҧсны Аҳәынҭқарратә усбарҭа аҳәынҭқарратә усҳәарҭа ҳәа;

12. Аҧсны Аҳәынҭқарра Аминистрцәа реилазаара Аҧсны Аҳәынҭқарра Аминистрцәа реилазаара ашьақәгылашьаҟны иарбоу Аҧсны аҳәынҭқарратә напхгараҭара аусбарҭа хадақәа 2019 шықәса ажьырныҳәа 1 азы ишьақәыргылоу рзеиҧштә штатә хыҧхьаӡара аиҵатәра адҵазааит, 15 процент иреиҵамкәа, 2020 шықәса ажьырныҳәа 1 аҟынӡа ҿҳәарас иаҭаны, Аҧсны Аҳәынҭқарра Атәылахьчара аминистрра, Аҧсны Аҳәынҭқарра Аҩныҵҟатәи аусқәа рминистрра , Ашәахтәқәеи аизгатәқәеи рзы Аҧсны Аҳәынҭқарра аминистрра, Аҧсны аҳәынҭқарратә Амиграциатә маҵзура азеиҧш штаттә хыҧхьаӡара аламҵакәа.   

13. Ишьақәыргылазааит, еиҭашьақәыргылахо Аҧсны аҳәынҭқарратә напхгараҭаратә усбарҭа хадақәа рнапынҵақәа рынагӡара иацырҵалоит ҳәа аиҿкаара-штаттә усмҩаҧгатәқәа хыркәшахаанӡа ҳәа.  

  14. Аҧсны Аҳәынҭқарра Аминистрцәа реилазаара анормативтә зинтә актқәа абри Аусҧҟа инақәыршәаны ишьақәнаргылааит.  

15. Амчра ацәыӡит ҳәа иҧхьаӡазааит «Аҧсны Аҳәынҭқарра Аминистрцәа реилазаара ашьақәгылашьа ашьақәырҕәҕәаразы» Аҧсны Аҳәынҭқарра Ахада Иусҧҟа 2018 шықәса, мшаҧымза 30 аҟн. № 90 (2018 шықәса, лаҵарамза 10 аҟн. № 113; 2018 шықәса нанҳәамза 30 аҟн., № 235, 2018 шықәса цәыббрамза 25 аҟн, № 274; 2019 шықәса, хәажәкырамза 13 аҟн., № 50 аҧсахрақәа зцу)». 

 

 

 




Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT