Ахада Афедералтә Еизара Атәылахьчареи ашәарҭадареи русқәа рзы Афедерациа Ахеилак аделегациа идикылеит

Ахада Афедералтә Еизара Атәылахьчареи ашәарҭадареи русқәа рзы  Афедерациа Ахеилак аделегациа идикылеит

Жьҭаарамза 11 рзы Аԥсны Аҳәынҭқарра Ахада Рауль Ҳаџьымба идикылеит усуратә визитла  Аԥсныҟа иааз  атәылахьчареи ашәарҭадареи рзы Афедералтә Еизара Атәылахьчареи ашәарҭадареи русқәа рзы Афедерациа Ахеилак аделегациа.
  
Аҳәынҭқарра Ахада асасцәа аԥсшәа реиҳәеит, иагьазгәеиҭеит Урыстәылатәи Афедерациеи Аԥсны Аҳәынҭқарреи рыбжьара атәылахьчара аусхк аҟны ирыбжьоу аусеицура аҵак ду шамоу.

«Адунеи аҿы аҭагылазаашьа шыуадаҩыц иуадаҩуп. Урыстәыла акәша-мыкәша иҟоу апроцессқәа, хымԥада, ҳара иаҳнымԥшырц залшом. Урҭ еиҳагьы иаҳныруеит, избанзар ҳара ҳҳәынҭқарра маҷуп. Сара агәра згоит атәылахьчара аусхк аҿы Урыстәылеи ҳареи ҳаимадара атәылахьчара арӷәӷәара ишацхраауа, иара убас ҳусеицура адагьы, ҳҳәынҭқаррақәа ирҿагыло амчқәа иарбанзаалак рҿагылара ҳазырхиаразы алшарақәа шаҧнаҵо», – иҳәеит Ахада.

Аделегациа анапхгаҩы, Афедералтә Еизара Атәылахьчареи ашәарҭадареи русқәа рзы Афедерациа Ахеилак ахантәаҩы актәи ихаҭыԥуаҩ Александр Ракитин иазгәеиҭеит Аԥсны Аҳәынҭқарра атәылауаа урыстәылатәи аррамаҵзуцәа ҳаҭыр шрықәырҵо, урҭ Аԥсны Аҳәынҭқарра анапхгара рганахьалагьы адгылара шрымоу.

«Ҳара 7-тәи арратә базеи Аҳәаахьчаратә усбарҭеи ҳарҭааны иаҳбеит. Аррамаҵзура иахысуази ҳареи ҳаиқәшәеит, иаҳбеит асоциалтә ҭагылазаашьа шыбзиоу. Адҵҟаҵаҩцәа рганахьала ирымоу азҿлымҳара адагьы, иубарҭоуп, зегь реиҳа ихадароу, Аԥсны ауааҧсыреи аиҳабыреи ҳаҭыр шрықәырҵо, адгылара шрырҭо, арратә еилазаарақәеи дареи реимадара бзиоуп. Ҳара ҳзы уи акраҵанакуеит, иаҳбаз-иҳаҳаз агәахәа ду ҳнаҭеит»,– иҳәеит иара.
2.jpg


Возврат к списку