Аҧсны Аҳәынҭқарра Ахада

 

Ахада Ареспублика Арцах аделегациа идикылеит

10.10.2019

Ахада Ареспублика Арцах аделегациа идикылеит

Жьҭаарамза 9 рзы Аԥсны Аҳәынҭқарра Ахада Рауль Ҳаџьымба Ахада имаҵура анагӡарахь инеира иазку аныҳәатә еилатәара залазырхәырц иааз Ареспублика Арцах аделегациа идикылеит.

«Аԥсны шәбара гәахәас иҟаҳҵоит, Арцах анапхгареи ажәлари иҭабуп раҳҳәоит гәыла-ԥсыла иахьаҳзыҟоу. Ҳарҭ аизыҟазаашьа бзиақәа ҳабжьоуп. Хымԥада, ҳаизыҟазаашьақәа ҿиалароуп, хыԥхьаӡара рацәала шәашьцәа Аԥсны инхоит, атәыла аҿиара аус аҟны рлагала маҷӡам»,-иҳәеит Ахада.

Арцах Ареспублика аделегациа анапхгаҩы Акультура аминистр Лерник Ованиссиан даҽазныкгьы Ахада идиныҳәалеит официалла имаҵурахьы инеира.

«Аԥсуа-ерман еизыҟазаашьақәа рдацқәа ҵаулоуп, ҳара урҭ рырҿиара ҳазхиоуп. Арцах Ареспублика Аԥсны Аҳәынҭқарра еснагь ҩызаҵас иаԥхьаӡон, ажәала акәымкәа, аус аҟынгьы. Ҳарҭ еиԥшу алахьынҵа змоу жәларқәоуп, ҳаидызкыло рацәоуп. Иаҳтахуп акультуратә еимадарақәа ҳарҿиаларц, уи ауасхыр бзиа азышьҭаҵоуп», - иҳәеит иара.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT