Аҧсны Аҳәынҭқарра Ахада

 

Ахада Адыгатәыла Ареспублика аделегациа идикылеит

09.10.2019

 Ахада Адыгатәыла Ареспублика аделегациа идикылеит

Жьҭаарамза 9 рзы Аԥсны Аҳәынҭқарра Ахада Рауль Ҳаџьымба Ахада имаҵура анагӡарахь инеира иазку аныҳәатә еилатәара зҽалазырхәырц иааз Адыгатәыла Ареспублика аделегациа идикылеит.

«Ҳарҭ ҳаиашьаратә жәларқәа узеиҟәымҭхо еидҳәалоуп. Ибзианы иаҳгәалашәоит ҳашьцәа адыгақәа зегь раԥхьа Аԥсны ахьчара игылақәаз ишыруаӡәку. Иахьагьы урҭ ҳаизыҟазаашьақәа ирыцаҳҵоит. Иҟаҵоу рацәоуп акультура, аҵараиура, аекономика аусхкқәа рҿы, урҭ апроцессқәа аԥхьаҟагьы ирыцҵаны аус ҳаулароуп», - иҳәеит аҳәынҭқарра Ахада.

Адыгатәыла Ареспублика Аҳәынҭқарратә Хеилак-Хасе Ахантәаҩы Владимир Нарожныи Аԥсны Аҳәынҭқарра анапхгареи ауаажәларреи иажәа ԥхақәа рзикит.

«Адыга жәлар еснагь Аԥсынытәыла гәыла-ԥсыла иазыҟоуп. Адыгатәыла Ареспублика ауаажәларра рыхьӡала иҭабуп ҳәа шәасҳәарц сҭахуп. Иҭабуп ҳәа шәасҳәоит иара убас Аԥсны ахьчара иазгылаз Адыгатәыла ахаҭарнакцәа ирышәҭо азҿлымҳаразы. Ари ҳара ҳзы акыр иаҧсоуп. Адыгатәыла Ареспублика Ахада ҳаиашьаратә Аԥсни ҳареи иҳабжьоу аизыҟазаашьақәа ахә ҳаракны ишьоит. Ҳарҭ ҳдацқәа акуп, ахааназы аӡәгьы илшом шәышықәсала иааҳго ҳаизыҟазаашьақәа рҧыргара», - иҳәеит иара.
A65A7015.JPG  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT