Ахада Аҩада-Уаҧстәыла аделегациа идикылеит

Ахада Аҩада-Уаҧстәыла аделегациа идикылеит

Жьҭаарамза 9 рзы Аҧсны Аҳәынҭқарра Ахада Рауль Ҳаџьымба Аҩада Уаҧстәыла – Аланиа Аконституциатә Ӡбара Ахантәаҩы Станислав Кесаев напхгара ззиуа Аҩада Уаҧстәыла – Аланиа аделегациа идикылеит.  
  
«Аладеи Аҩадеи Уаҧстәылатәи ҳашьцәеи ҳареи аимадара бзиақәа ҳабжьоуп, урҭ есааира рыҽдырҭбаауеит. Ари ҳара ҳзы акраҵанакуеит, урҭ реизырҳара аҭахуп ҳәа иҳаҧхьаӡоит. Ҿыц игыло абиҧарақәагьы арҭ аимадарақәа рырҕәҕәара, реизырҳара амҩа ианаҳҵароуп», - иазгәеиҭеит аҳәынҭқарра Ахада.

Станислав Кесаев Ахада иҭабуп ҳәа еиҳәеит иҟаиҵаз адкыларазы, аҳәынҭқарра Ахада имаҵураҟны ақәҿиарақәеи аихьӡарақәеи изеиҕьеишьеит.  
«Иҟашәҵаз ацҳамҭа даара иаҳгәаҧхеит, зегьы ииашаны иазгәашәҭеит. Ихадароу - шьҭа анапхгара ҿыц ихацырку аусқәа ирыцырҵароуп. Гәык-ҧсыкала ишәыдаҳныҳәалоит, ишәзеиҕьаҳшьоит ақәҿиарақәа, иахьаҭаху шәыдгылара ҳазхиоуп».


Возврат к списку