Аҧсны Аҳәынҭқарра Ахада

 

Владимир Путин Рауль Ҳаџьымба Аиааиреи Ахьыԥшымреи рымш идиныҳәалеит

30.09.2019

Аԥсны Аҳәынҭқарра Ахада Рауль Ҳаџьымба Аиааиреи Ахьыԥшымреи рымш идиныҳәалеит Урыстәылатәи Афедерациа Ахада Владимир Путин.

Адныҳәаларатә аацҳамҭаҿы, ҷыдала, иҳәоуп:

«Ҳаҭыр зқәу Рауль Џьумка-иԥа!
Гәык-ԥсык ала ишәыдысныҳәалоит Аԥсны Аҳәынҭқарра амилаҭтә ныҳәа - Аиааиреи Ахьыԥшымреи рымш.
Гәахәарыла иазгәасҭоит ҳтәылақәа ирыбжьоу аизыҟазаашьақәа аидгылареи астратегиатә усеицуреи шьаҭас иаҭаны қәҿиарала аҿиара ишаҿу.
Даҽазныкгьы еиҭашьақәсырҕәҕәарц сҭахуп Аԥсны амилаҭтә шәарҭадара алыршараҟны, иара убас асоциалтә-економикатә ҳасабтәқәа рыӡбараҟны ганрацәала ацхыраара шыҟанаҵало.  
Ҳаҭыр зқәу Рауль Џьумка-иԥа, гәык-ҧсыкала ишәзеиӷьасшьоит агәабзиара, аихьӡарақәа, Аҧсны жәлар зегьы - аҭынчреи аизҳазыӷьареи».






Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT