Аҧсны Аҳәынҭқарра Ахада

 

Аҧсны Аҳәынҭқарра Аҳазалхратә усбарҭақәа раҧҵара амш адныҳәалара

27.09.2019

Аҧсны Аҳәынҭқарра Ахада Рауль Ҳаџьымба аҳазалхратә маҵзура аусзуҩцәеи аветеранцәеи Аҧсны Аҳәынҭқарра Аҳазалхратә усбарҭақәа раҧҵара амш рыдиныҳәалеит.

Адныҳәалараҟны, ҷыдала, иҳәоуп:

«Ҳаҭыр зқәу Аҳазалхратә усбарҭа амаҵзура аусзуҩцәеи аветеранцәеи!
Хаҭалатәи аилазаара зегьы ирыдысныҳәалоит Аҧсны Аҳәынҭқарра Аҳазалхратә усбарҭақәа рышьақәгылара амш.
Аҧсны Аҳәынҭқарра Аҳазалхратә еилакы  ҳреспублика аекономикатә шәарҭадара арҕәҕәара аус аҟны ахатә лагаламҭа ҟанаҵоит. Иара аусура ахаҭабзиара ҳажәлар рҭагылазаашьа бзиа ианыҧшуеит, избан акәзар абри аусбарҭоуп ҳҳәынҭқарратә биуџьет ҭышәынтәаланы ихаҭәааларц азы аҭакҧхықәра зду.
Шәусура профессионалла инагӡо, шәара ҳреспублика ахыҧша бзиа ашьақәгылара шәацхраауеит. Аҳазалхратә ҧҟарақәа рықәныҟәара, урҭ рынагӡашьа агәаҭара аметодқәеи аформақәеи есааира еиҕьтәтәуа, жәларбжьаратәи ахәаахәҭразы аҭагылазаашьақәа аҧҵо, шәара аҳәынҭқарра анапхгаҩы шәҿаҧхьа иқәиргыло аҳасабтәқәа қәҿиарала инашәыгӡоит.
  Абри аныҳәамш азы ишәзеиҕьасшьар сҭахуп агәабзиара, агәамч, аҭынчра, шәнапы злаку аус аҟны аихьӡарақәа».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT