Аҧсны Аҳәынҭқарра Ахада

 

Ахада Анатоли Бибилов Алада Уаҧстәыла Ареспублика амш идиныҳәалеит

20.09.2019

Цəыббрамза 20 рзы Аҧсны Аҳəынҭқарра Ахада Рауль Ҳаџьымба Алада Уаҧстəыла Ахада Анатоли Бибилов Ареспублика амш идиныҳəалеит.

Адныҳəалараҿы, ҷыдала, иҳəоуп:

Ҳаҭыр зқəу, Анатоли Илиа-иҧа!

«Гəык-ҧсык ала ишəыдысныҳəалоит Шəареи Алада Уаҧстəыла иқәынхо ҳаиашьаратә жəлар зегьи Ареспублика шьақəгылеижьҭеи 29 шықəса ахыҵра.

Цəыббрамза 20, 1990 шықəса рзы Жəлар рдепутатцəа рхеилак иаднакылеит аҭоурыхтə документ – Ареспублика амилаҭтə суверенитет азы Адекларациа. Ари амш Алада Уаҧстəыла ашьақəгылара амҩаҟны акрызҵазкуа шьаҿаны иҟалеит.

Акыр шықəса раахыс ауаҧс жəлар ахьыҧшымра аиура, жəларбжьаратəи азхаҵара змоу аҳəынҭқарра аргылара ауасхыр азышьҭаҵара иаҿын. Алада Уаҧстəыла аҵеицәа аӡəырҩы рыҧсҭазаарақəа ахҭнырҵеит еизҳауа абиҧара ҿыцқәа зхы иақəиҭу ихьыҧшым аҳəынҭқарраҿы инхаларц азы. Убри аҟынтə, иахьатəи арыцхə дарбан уаҧсзаалак изы аҵак ду амоуп.

2008 шықəса, нанҳəамза 26 рзы Аладатəи Уаҧстəыла Ахьыҧшымра Урыстəылатəи Афедерациа аганахьала иаиуз азхаҵара шьала, ҧхӡашала ахақәиҭра аазгаз шəтəыла аҭоурых ҿыц акрызҵазкуа хҭысны ианылеит.

Иахьа Алада Уаҧстəыла анапхгара акрызҵазкуа асоциалтә-економикатə проектқəа рынагӡара иаҿуп, иарҿиоит аинфраструктура, иарҕəҕəоит жəларбжьаратəи аҳаҭыр, ирылшо зегьы ҟарҵоит атəыла ауааҧсыра еиҕьны инхаларц азы.

Дарбан уаҧсзаалак изы аҵак ду змоу абри аныҳəамш аҽны, азин сышəҭозар, Шəара, ҳаҭыр зқəу Анатоли Илиа-иҧа, ишəзеиҕьасшьар сҭахуп агəабзиара, ауаҧс жəлар зегьы - аҭынчреи аизҳазыҕьареи!».

 



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT