Аҧсны Аҳәынҭқарра Ахада

 

Рауль Ҳаџьымба ибрифинг

10.09.2019

Цәыббрамза 10 рзы имҩаҧысит Аҧсны Аҳәынҭқарра Ахада Рауль Ҳаџьымба ибрифинг.

Ахада ажурналистцәа аҧсшәа реиҳәеит.

«Ихацырку ҳусура иацаҳҵоит», – иазгәеиҭеит Рауль Ҳаџьымба.

Аҳәынҭқарра Ахада азҵаара иҭан Алхас Кәыҵниа Ахада иалхрақәа рзашшразы игәҭакы инамаданы.

«Уи иара ишиҭаху. Сара издыруеит аҩбатәи атур алагамҭазы аҳәамҭақәа шыҟаҵаз. Усҟан «зегьы рҿагылара» аграфа азы иахьа аус зуа амчхара иаҭазааит рҳәон. Аӡбараҟны ари азҵаара аҭыҧ иқәҵахоит. Иџьашьатәуп «аџьентльментә еиқәшаҳаҭра» ыҟан ҳәа зыӡбахә рҳәо. Сара еиқәшаҳҭрак снапы аҵазмҩӡеит, сагьаламцәажәаӡеит. Иҟоуп азакәан, еиҭа абжьыҭира иазку ахәҭаҷ , Ацентртә алхратә комиссиагьы убри инақәыршәаны аус ауан. Ҳара, Ҳаџьымба иштабгьы Кәыҵниа иштабгьы, абри азакәан аҧҟарақәа ҳрықәшаҳаҭны, убри инақәыршәаны иаҳҩит иаҳҩыз. Иҿыцыз акгьы ҳамхәыцӡеит. Ашьҭахь џьоукы ари аҭагылазаашьа даҽа хырхарҭак арҭарц рҭаххеит», – иҳәеит Рауль Ҳаџьымба. 

Ахада иара убас аҳәынҭқарра Ахада имаҵураҟны ихадароу ауснагӡатәқәа инарымаданы азҵааара иҭан.

«Имҩаҧысуа апроцессқәа мариаӡам. Иааҳакәыршаны иҟоу ахҭысқәа, Қырҭтәылеи уи аҩызцәеи активла имҩаҧырго аусура Аҧснеиҧш, Алада Уаҧстәылагьы анырра рыҭара иазкуп. Иааидкыланы, адунеи акыр иуашәшәыроуп иахьагьы. Ҳара ҳҳәынҭқарра аҿаҧхьа иқәгылоуп хадарала – ашәарҭадара атема иадҳәалоу азҵаарақәа. Урыстәыла Ахадеи сареи ҳалацәажәон ҳтәылахьчара арҕәҕәара азҵаарақәа. Иара убас аекономикатә ҿиара, асоциалтә усхк, арҭ ҳара ҳаҩныҵҟатәи азҵаарақәа роуп, ҳаидгыланы еицаҳаӡбалароуп. Сара баша исҳәаӡомызт алшарақәа ҳамоуп ҳәа, урҭ агьмаҷӡам. Ҳазегьы ҳаидгыланы аҭагылазаашьақәа аҧаҳҵалароуп ҳтәыла арҕәҕәаразы», – иҳәеит Ахада.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT