Аҧсны Аҳәынҭқарра Ахада

 

Анатоли Бибилов ҭелла аицәажәараан Рауль Ҳаџьымба Ахада иалхрақәа аҩбатәи ртур аҟны иигаз аиааира идиныҳәалеит

09.09.2019

Цәыббрамза 9 рзы имҩаҧысит Аҧсны Аҳәынҭқарра Ахада Рауль Ҳаџьымбеи Алада Уаҧстәыла Ареспублика Ахада Анатоли Бибилови ҭелла реицәажәара.

Анатоли Бибилов ҭелла аицәажәараан Рауль Ҳаџьымба Ахада иалхрақәа аҩбатәи ртур аҟны иигаз аиааира идиныҳәалеит. Анатоли Бибилов иҳәеит Рауль Ҳаџьымба иигаз аиааира Аҧсны аҿиараҟны анырра бзиа шанаҭо азы агәра шиго атәы.

«Шәара шәыҧсадгьыл шәшазыҟоуи ҭакҧхықәра дула шәусура азнеишьеи агәра сдыргоит ҳаиашьаратә Аҧсны ақәҿиаракәа аманы аҿиара ишалаго, аҧхьаҟа уи аихьӡарақәагьы ишрыцло», - иҳәеит Анатоли Бибилов.

Рауль Ҳаџьымбеи Анатоли Бибилови еибырҳәеит аринахысгьы Аҧсны Аҳәынҭқарреи Алада Уаҧстәыла Ареспубликеи рыбжьара ҩ-ганктәи аизыҟазаашьақәа рырҕәҕәареи рырҿиареи ишрызхиоу.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT