Рауль Ҳаџьымба Аҧсны Аҳәынҭқарра Ахада иалхрақәа рыҟны актәи атур аихшьалақәа инарымаданы Апрессахь инеира

Рауль Ҳаџьымба Аҧсны Аҳәынҭқарра Ахада иалхрақәа рыҟны актәи атур аихшьалақәа инарымаданы Апрессахь инеира

Нанҳәамза 26 рзы Аҧсны Аҳәынҭқарра Ахада Рауль Ҳаџьымба Аҧсны Ахада иалхра апроцесс аазырҧшуаз ажурналистцәа рахь днеит.

АИХ ахаҭарнакцәа азҵаауан Рауль Ҳаџьымба Аҧсны Аҳәынҭқарра Ахада иалхрақәа рымҩаҧысшьеи актәи атур аихшьалақәа рзи игәаанагара.

«Акыр иуадаҩыз аполитикатә алхрақәа рзы аҧышәа ҳауит. Сара иацы исҳәеит, агәра гангьы сыҟоуп зегьы ҭынч мҩала ишымҩаҧысуазы. Ҳара адунеи зегьы иаҳарбеит лҵшәас иҟалалакгьы, алхрақәа ҭынч рымҩаҧгара шҳалшо. Иҳауз ацифрақәа ауаажәларраҟны агәаанагарақәа шеиҧшым, ари ма ани азҵааразы азнеишьақәа шеиқәымшәо ҳдырбеит, ари џьашьатәӡам», - иҳәеит Ахада.


Возврат к списку