Аҧсны Аҳәынҭқарра Ахада

 

Ахада Урыстәылатәи Афедерациа Аҳәынҭқарратә дума адепутат Александр Иушьенко диҧылеит

12.08.2019

Ахада Урыстәылатәи Афедерациа Аҳәынҭқарратә дума адепутат Александр Иушьенко диҧылеит

Нанҳәамза 12 рзы Аҧсны Аҳәынҭқарра Ахада Рауль Ҳаџьымба «Урыстәылатәи Афедерациа Акоммунисттә партиа» аҟнытә Урыстәылатәи Афедерациа Аҳәынҭқарратә дума адепутат Александр Иушьенко диҧылеит.

Аҳәынҭқарра Ахада асас аҧсшәа иаҳәаны, иҭабуп рхиҳәааит Аҧсны Аҳәынҭқарра адгылараҟны ипозициеи ҩ-ганктәи аусеицура арҕәҕәаразы имҩаҧиго аусуреи.

«Шәара Аҧсны шәазыҟазаашьа ҳара ҳзы акраҵанакуеит. Аҳәынҭдума адепутатцәа, ҷыдала, акоммунистцәа рыфракциа имҩаҧырго аусура маҷӡам Урыстәыла Аҧсны иазку аинформациа, иҟоу ауадаҩрақәа, ҩ-ганктәи аусеицура аҷыдарақәа ртәы аларҵәаразы. Урыстәылатәи Афедерациа аганахьала афинанстә цхыраара атәы ҳҳәозар, иқәҳаргыло аҳасабтәқәа Аҧсны економикала ахы иақәгәыҕуа аҟаҵара иазкуп», - ҳәа азгәеиҭеит Ахада.

Александр Иушьенко Ахада иҟаиҵаз адкыларазы иҭабуп ҳәа иеиҳәеит.

«Аҧсны ҳара ҳзы ҳҳәынҭқарра иаҧнуп ҳәа мацара акәӡам, ари амшынеиқәатәи аҧшаҳәаҟни Кавказтәи ашьхақәа рымҵани ишьҭоу абырлаш иаҩызоуп, ара ҳара ҳҩызцәа гәакьақәа ықәынхоит. Атәыла економикала ахала аҿиара иалагароуп. Аусура дуӡӡа мҩаҧыжәгеит ареспублика арҿиаразы, амҩагьы иашаны илхуп, уи аҧхьаҟагьы иацҵатәуп ҳәа сгәы иаанагоит», - иҳәеит Александр Иушьенко.

A65A3360.JPG


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT