Аҧсны Аҳәынҭқарра Ахада

 

Ахада Урыстәылатәи Афедерациа Ахада ицхырааҩ диҧылеит

31.07.2019

Ахада Урыстәылатәи Афедерациа Ахада ицхырааҩ диҧылеит

Ԥхынгәымза 31 рзы Аԥсны Аҳәынҭқарра Ахада Рауль Ҳаџьымба Аԥсныҟа усуратә визитла иааз Урыстәылатәи Афедерациа Ахада ицхырааҩ Владислав Сурков диҧылеит. 

Аҳәынҭқарра Ахада Владислав Сурков аԥсшәа иеиҳәеит:

«Ҳарҭ  Аԥсны шәбара ҳаигәырӷьеит. Урыстәылатәи Афедерациеи ҳареи ҳусеицзура активла аҿиара иаҿуп. Ҳинвестпрограмма иаҵанакуа ахыбрақәа, рыргылара, еиҳаракгьы, ашколқәеи ахәыҷбаҳчақәеи рхыркәшарахь инеихьеит. Цәыббрамза аказы, шамахамзар, зегьы рышәқәа аатуеит. Аамҭа кьаҿк  иалагӡаны ҳҿаԥхьа иқәгылаз адҵақәа рынагӡара ҳалшеит,  Урыстәыла аганахь ала иҟаҵоу афинанстә цхыраара иабзоураны урҭ азҵаарақәа ирласны рыӡбара алыршахеит».

Владислав Сурков Ахада ҭабуп ҳәа иеиҳәеит иҟаиҵаз адкыларазы:

«Гәахәас иҟасҵеит аамҭа ԥшааны сахьшәыдышәкылаз. Ҳарҭ ҳрыхьӡеит  аинвестпрограмма иаҵанакуа хыбрақәак рҭаара, ҷыдала, цәыббрамза аказы зашәқәа аартхо ашколқәа. Ҳарҭ ҳусеицураҟны афаза бзиаҿы ҳнеит, амчратә еилазаарақәа зегьы аконструктивтә, апрофессионалтә знеишьа рымазартә иҟашәҵеит. Ҳарҭ наҟ-ааҟ ҳаиҳабырақәа аекономикатә усхк аҟны аизыҟазаашьа бзиақәа рыбжьоуп. Алҵшәақәагьы ыҟоуп, урҭ уреигәырӷьаратәы иҟоуп».

Аиԥылара аҳәаақәа ирҭагӡаны Рауль Ҳаџьымбеи Владислав Суркови 2017-2019шш. Аԥсны Аҳәынҭқарра асоциалтә-економикатә ҿиара ацхрааразы аинвестпрограмма  анагӡара азҵаарақәа, иара убас 2020-2022ш.ш. аинвестпрограмма апараметрқәа ирылацәажәеит.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT